مۇقاعالي - 90 جىل: اقىن مەرەيتويىندا جاڭا فيلم كورەرمەنگە جول تارتادى
بۇل جونىندە «قازاقفيلم» كينوستۋدياسى ارنايى مالىمەت تاراتتى.
«ۇلتىمىزدىڭ اقيىق اقىنىنىڭ الداعى بەسىنشى مەرەيتويىن وسى جولى ەرەكشە وتكىزۋگە «قازاقفيلم» كينوستۋدياسى دا ايانباي اتسالىسىپ وتىر. كينوتەاترلار اشىلعان كەزدە ءبىرىنشى بولىپ كورەرمەنگە جول تارتاتىن رەجيسسەر بولات قالىمبەتوۆتىڭ «مۇقاعالي» كوركەم فيلمى ءتۇسىرىلىپ ءبىتتى. قازىر كينوكارتينانىڭ مونتاج جۇمىستارى ءجۇرىپ جاتىر» دەپ حابارلادى كينوستۋديا Facebook پاراقشاسىندا.
ايتا كەتەيىك، مۇقاعالي ماقاتايەۆ - قازاقتىڭ ليريك اقىنى. مۇقاعالي پوەزياسىنىڭ قاينار كوزى، شابىت تۇعىرى - تۋعان ەلى، وسكەن جەرى، وتان تاعدىرى، زامانا تىنىسى، زامانداستارىنىڭ ارمان اڭسارى. از عۇمىرىندا بىرنەشە ليريكالىق جىر جيناعى مەن داستاندارىن ۇسىنعان. جىر اۋدارماسى سالاسىندا شەكسپيردىڭ سونەتتەرىن، دانتەنىڭ «قۇدىرەتتى كومەدياسىن» قازاقشالادى. اقىننىڭ «سارجايلاۋ»، «سونبەيدى اجە، شىراعىڭ»، «كەل، ەركەم، الاتاۋىڭا» ولەڭدەرىنە سازگەر نۇرعيسا تىلەنديەۆ ءان شىعارعان. ول 1931 -جىلى 9 -اقپاندا الماتى وبلىسى قازىرگى رايىمبەك اۋدانىنىڭ قاراساز اۋىلىندا دۇنيەگە كەلىپ، 1976 -جىلدىڭ 27 -ناۋرىزىندا الماتىدا دۇنيەدەن وتكەن.