+7 (701) 759 90 19
19 °С : نۇر-سۇلتان
13 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قوس وكپەسى زاقىمدانعان 90 جاستاعى كەيۋانا سىرقاتىن جەڭىپ شىقتى

14 تامىز 18:28
:ءبولىسۋ
قوس وكپەسى زاقىمدانعان 90 جاستاعى كەيۋانا سىرقاتىن جەڭىپ شىقتى

شىمكەنت. قازاقپارات - شىمكەنت قالاسىنداعى «مەيىرىم» پروۆيزورلىق ورتالىعىندا ەم قابىلداعان 90 جاستاعى كۇلسارا قارسىبايەۆا اجەمىز پنيەۆمونيادان 25 كۇندە جازىلىپ شىقتى، دەپ حابارلايدى قازاقپارات.

تىنىس الۋى قيىنداعان كۇلسارا اپامىز العاشىندا ينفەكسيالىق اۋىرۋحانانىڭ جانساقتاۋ بولىمىنە جەتكىزىلدى. دارىگەرلەردىڭ تەكسەرۋىنەن كەيىن قوس وكپەسى % 70 زاقىمدانعانى انىقتالىپ، «پنيەۆمونيا» دياگنوزى قويىلدى. جانساقتاۋ بولىمىندە 3 كۇن ەمدەلگەن سوڭ، «مەيىرىم» پروۆيزورلىق ورتالىعىنا ءوز قالاۋىمەن اۋىستىرىلدى. تۇسكەن كەزدەگى ناۋقاستىڭ جاعدايى اۋىر بولاتىن. ساتۋراتسياسى % 75 تومەندەگەن. دارىگەرلەردىڭ ەمدەۋ حاتتاماسىنا سايكەس دەر كەزىندە مەديتسينالىق كومەك كورسەتىپ، دۇرىس جۇرگىزىلگەن ەمدەۋ شارالارىنىڭ ناتيجەسىندە، كۇلسارا قارسىبايەۆانىڭ دەنساۋلىعى 25 كۇندە جاقساردى.

دەنساۋلىق جاعدايىنىڭ اۋىرلىعىنا جانە قوسىمشا سوزىلمالى اۋرۋلارىنا (سوزىلمالى حولەتسيستيت، پانكرەاتيت، ارتەريالىق گيپەرتەنزيا) قاراماستان، اجەي اۋرۋمەن كۇرەسىپ، جەڭىپ شىكتى. دارىگەرلەر ونىڭ قازىرگى جاعدايى جاقسى ەكەنىن ايتادى. ىندەتىنەن تولىقتاي ساۋىققان 90 جاستاعى اپامىز، «مەيىرىم» پروۆيزورلىق ورتالىعىنىڭ دارىگەرلەرىنە اق باتاسىن بەرىپ، بۇگىن كلينيكادان وتباسىنا ورالدى.

«مەيىرىمدىلىك، ماحاببات، قايىرىمدىلىق، ادالدىق سەكىلدى ىزگىلىكتەر اق جۇرەكتەن شىعادى» دەمەكشى، ءوز قۋانىشىن جاسىرا الماعان اجەمىز اتىنا زاتى ساي «مەيىرىم» پروۆيزورلىق ورتالىعىنىڭ باس دارىگەرى نيازكۇلوۆ ابدىراحمەت ءابدىقادىر ۇلىنا، ءبولىم مەڭگەرۋشىسى ەرىمبەتوۆا لاۋرا ساپارعالي قىزىنا، دارىگەرلەر - جۇماكۇل گۇلايىم الىمبايەۆنا، اعابەكوۆا گۇلجان ورىنباسار قىزى، تۇكتىبايەۆا ساۋلە اقتىلەۋ قىزى، كەمەلبەكوۆ قاناتجان ساۋحانبەك ۇلى، اڭدابايەۆا ەلميرا باحىتبەك قىزى جانە تاعى دا باسقا مەديتسينا قىزمەتكەرلەرىنە شەكسىز العىسىن ءبىلدىردى.

«مەيىرىم» پروۆيزورلىق ورتالىعىنىڭ قولى شيپالى، اق حالاتتى ابزال جاندى، مەيىرىمدى قىزمەتكەرلەرىنىڭ ەڭبەكتەرىنە تابىس، دەندەرىنە ساۋلىق تىلەدى. مۇنداي جاستا ىندەتتى جەڭىپ شىعۋ - ەرەكشە جاعداي. ءوز كەزەگىندە ورتالىق قىزمەتكەرلەرى كۇلسارا قارسىبايەۆاعا ۇزاق عۇمىر تىلەدى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات