+7 (701) 759 90 19
3 °С : نۇر-سۇلتان
6 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

الماتىدا وكپەسى %90 زاقىمدانعان جۇكتى ايەل بوساندى

4 تامىز 21:26
:ءبولىسۋ
الماتىدا وكپەسى %90 زاقىمدانعان جۇكتى ايەل بوساندى

الماتى. قازاقپارات - الماتىلىق دارىگەرلەر وكپەسى %90 زاقىمدانعان جۇكتى ايەلدى امان- ەسەن بوساندىرىپ الدى، دەپ حابارلايدى قازاقپارات ءتىلشىسى.

الماتى قالالىق دەنساۋلىق ساقتاۋ باسقارماسىنىڭ حابارلاۋىنشا، 2 - شىلدە كۇنى الماتى قالاسىنداعى №2 پەرزەنتحاناعا 23 جاستاعى ايەل جۇكتىلىكتىڭ 38 اپتاسىندا جوسپارلى تۇردە بوسانۋعا كەلگەن.

«ول پەرزەنتحاناعا جوعارى تەمپەراتۋرا، جوتەل جانە ەنتىگۋمەن ءتۇستى. ناۋقاستى تەكسەرۋ كەزىندە دارىگەرلەر COVID-19، ەكى جاقتى پوليسەگمەنتارلى پنيەۆمونيا دياگنوزىن قويدى. سونىمەن قاتار، تەكسەرۋ بارىسىندا ناۋقاستىڭ وكپەسىنىڭ %90 زاقىمدانعانى انىقتالدى. ناۋقاس دەرەۋ جانساقتاۋ بولىمىنە جاتقىزىلدى. ال، كەلەسى كۇنى ونىڭ تولعاعى باستالدى. پەرزەنتحانا دارىگەرلەردىڭ كوماندالىق جۇمىسى مەن ولاردىڭ ۇيلەسىمدى ارەكەتىنىڭ ارقاسىندا سالماعى 3 كەلىدەن اساتىن ۇل بالا دۇنيەگە كەلدى»، - دەپ حابارلايدى قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتى.

بوسانعاننان كەيىن دينارانىڭ (ناۋقاس) جاعدايى وتە اۋىر دەپ باعالاندى. سوندىقتان ول 27 كۇن بويى جانساقتاۋ بولىمىندە وكپەنى جاساندى جەلدەتۋ اپاراتىنا قوسىلدى. تەك 29 - شىلدە كۇنى عانا ناۋقاستىڭ جاعدايى جاقسارىپ، بەيىندى بولىمشەگە اۋىستىرىلدى.

«اق حالاتتى ابزال جان، كەرەمەت دارىگەر، رەانيماتسيا ءبولىمىنىڭ جەتەكشىسى - گۇلنۇر التاي قىزى بايبولوۆاعا العىسىم شەكسىز جانە مامان رەتىندە عانا ەمەس، ادام رەتىندە جوعارى باعالايمىن. مەنى وسىنداي دارىگەرگە جولىقتىرعان ءۇشىن اللاعا ريزامىن. سونداي- اق، وسى №2 پەرزەنتحانانىڭ بارلىق مەديتسينا قىزمەتكەرلەرىنە ناۋقاستارعا ۇلكەن جاۋاپكەرشىلىكپەن جانە قۇرمەتپەن قاراپ، تىنىمسىز ەڭبەگىنە، ساپالى مەديتسينالىق قىزمەتى مەن قامقورلىعى ءۇشىن العىس ايتامىن. دارىگەرلەر ماعان ەكىنشى ءومىر سىيلادى جانە وسى كىسىلەردىڭ ارقاسىندا ءالى ءوزىم كورمەگەن دەنى ساۋ ءسابي دۇنيەگە كەلدى. بۇگىن ءسابيىمدى ءبىرىنشى رەت كورىپ، قۇشاعىما باسامىن»، - دەيدى دينارا سەرىكبول.

دۇنيەگە COVID-19 سيمپتومى جوق، دەنى ساۋ نارەستە كەلدى. ءسابيدى پەرزەنتحانادان ەكى كۇننەن كەيىن شىعارعان. قازىرگى ۋاقىتتا ول اتا- اجەسىنىڭ قولىندا. بالانىڭ اتىن ومار دەپ قويدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات