دارىگەرلەر وكپەسىنىڭ % 90 زاقىمدانعان ايەلدى امان- ەسەن بوساندىرىپ الدى
س ق و كوپسالالى اۋرۋحاناسىنىڭ باس دارىگەرى يۋريي بەلونوگ وسى وڭدى وقيعا جايىندا الەۋمەتتىك جەلىدەگى پاراقشاسىندا وقىرماندارىمەن ءبولىستى. ونىڭ پىكىرىنشە، بۇل - رەانيماتولوگتار مەن اكۋشەر- گينەكولوگتاردىڭ ۇلكەن جەڭىسى.
«سىرقات بىزگە 1 - قالالىق اۋرۋحانادان ءتۇستى. كوروناۆيرۋستىڭ سالدارىنان ەكى وكپەسى دە قابىنعان ايەلدى وپەراتسيا ارقىلى بوساندىرىپ الۋ كەرەك بولدى. كەسار تىلىگى جاسالىپ، وپەراتسيا ناتيجەسىندە امان- ەسەن بوساندى. الايدا سىرقاتتىڭ جاعدايى كوپكە دەيىن اسا اۋىر بولدى. ول 23 تاۋلىك بويى وكپەنى جاساندى جەلدەتۋ اپپاراتىندا جاتتى. كومپيۋتەرلىك توموگرافيا ونىڭ وكپەسىنىڭ % 90 زاقىمدانعانىن كورسەتتى. قازىر جاعدايى جاقسارىپ كەلەدى. ۇيىنە شىعۋعا، جاڭا تۋعان سابيىمەن، تۋعان- تۋىستارىمەن كەزدەسۋگە دايىندالىپ جاتىر»، - دەپ جازدى يۋري بەلونوگ.
س ق و دەنساۋلىق ساقتاۋ باسقارماسى باسپا ءسوز قىزمەتىنىڭ مالىمەتىنشە، پەتروپاۆل تۇرعىنى ۇل بوساندى. سابيدەن قاۋىپتى ۆيرۋس انىقتالعان جوق.