مەملەكەت باسشىسى 90 مىڭ ستۋدەنت ءۇشىن جاتاقحانا سالۋدى جۇكتەدى
بۇل تۋرالى ۇلتتىق قوعامدىق سەنىم كەڭەسىنىڭ 3-وتىرىسىندا ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«قوس ديپلومدى باعدارلامالاردى، ستۋدەنتتەردىڭ، جوعارى وقۋ ورىندارىنىڭ وقىتۋشى- پروفەسسورلىق قۇرامىنىڭ ىشكى جانە سىرتقى اكادەميالىق ۇتقىرلىعىنىڭ ءتۇرلى فورمالارىن دامىتۋ قاجەت. قازاقستاندىق ۋنيۆەرسيتەتتەردىڭ بازاسىندا شەتەلدىك جەتەكشى جوعارى وقۋ ورىندارىنىڭ كامپۋستارىن اشۋ كەرەك. 10 ۋنيۆەرسيتەتتە اكادەميالىق باسىمدىق دەپ اتالاتىن ستۋدەنتتەردىڭ تۇرۋىنا قاۋىپسىز ءارى جايلى ورتالىقتار قۇرىلۋى ءتيىس»، - دەدى مەملەكەت باسشىسى.
ق ر پرەزيدەنتى الداعى 5 جىلدىڭ ىشىندە كەمىندە 90 مىڭ جاتاقحانا ورنى سالىنۋى تيىستىگىن باسا ايتتى.
«جاتاقحانا وتە وزەكتى ءارى ومىرلىك ءمانى بار ماسەلە»، - دەپ اتاپ ءوتتى قاسىم-جومارت توقايەۆ.