نۇرسۇلتان نازاربايەۆ اۋىلداردى دامىتۋعا 90 ميلليارد تەڭگە ءبولۋدى تاپسىردى
«ءبىزدىڭ اۋىلداردى ءوسىم نۇكتەلەرىنە اينالدىرۋىمىز كەرەك ءاربىر اۋىلدا قانداي دا ءبىر جۇمىس ورنىن اشۋ كەرەك. ول ءۇشىن ميكرونەسيەلەر بار. جۇمىس بەرسەك تۇرعىندار اۋىلدا قالادى. بىزدە ءبىرىنشى ماماندىقتى تەگىن وقىتۋ جۇيەسى، جول كارتاسى بار. مۇمكىندىكتەر مول. تەك ناقتى جۇمىس ىستەۋ كەرەك. باسپانا مەن جول سالىپ، الەۋمەتتىك نىسانداردى تۇرعىزىپ، شوب- تى دامىتۋ كەرەك. اۋىلدا ءوزىنىڭ الەۋەتى بار. وڭدەۋ ونەركاسىبىن ول ءۇشىن دامىتۋ كەرەك. ەلىمىزدە ۇلگىلى اۋىلدار جەتەرلىك»، - دەدى پرەزيدەنت.
وسىعان بايلانىستى پرەزيدەنت ۇكىمەتكە «اۋىل - ەل بەسىگى» ارنايى جوباسىن جۇزەگە اسىرۋ ءۇشىن ۇسىنىستاردى ازىرلەۋدى تاپسىردى.
«سونىمەن بىرگە، ۇسىنىستارمەن بىرگە وسى باعىتتا قارجىلاندىرۋ بويىنشا 2019-2021 -جىلدارى 90 ميلليارد تەڭگە ءبولۋدى تاپسىرامىن. ول جاستاردى اۋىلدا ۇستاپ تۇرۋعا مۇمكىندىك بەرەدى»، - دەدى نۇرسۇلتان نازاربايەۆ.
ەسكە سالا كەتسەك، ەلورداداعى تاۋەلسىزدىك سارايىندا ەلباسى نۇرسۇلتان نازاربايەۆتىڭ توراعالىعىمەن «نۇر وتان» پارتياسىنىڭ كەزەكتى XVIII سەزى وتۋدە. سەزد كۇن تارتىبىندە بىرنەشە ماسەلەنى قاراستىرۋ كوزدەلگەن. اتاپ ايتقاندا، الدىمەن «نۇر وتان» پارتياسىنىڭ 2030 -جىلعا دەيىنگى باعدارلاماسى تۋرالى ماسەلە قوزعالادى. ودان كەيىن پارتيانىڭ جارعىسىنا وزگەرىستەر مەن تولىقتىرۋلار قاراستىرىلىپ، پارتيا ساياسي كەڭەسىنىڭ جانە ورتالىق باقىلاۋ- تەكسەرۋ كوميسسياسىنىڭ ەسەپتى كەزەڭ بويىنشا جۇمىسىنىڭ قورىتىندىلارى شىعارىلادى. سونىمەن قاتار پارتيا ساياسي كەڭەسىنىڭ جانە ورتالىق باقىلاۋ- تەكسەرۋ كوميسسياسىنىڭ مۇشەلەرى سايلاناتىن بولادى.
سەزد جۇمىسىنا 2 مىڭعا جۋىق ادام قاتىسۋدا. ولاردىڭ 1200- ءى ەلىمىزدىڭ بارلىق وڭىرلەرىنەن كەلگەن دەلەگاتتار، ال قالعان 800-گە جۋىعى - قوناقتار.
اۆتور: ايان بەكەن ۇلى