بەكبولات تىلەۋحان: ماعان قازاق كينوسىنىڭ 90 پايىزى ۇنامايدى

استانا. قازاقپارات - بەكبولات تىلەۋحان قازىرگى قازاق كينوسىنا قاتىستى سىن ايتتى. قوعام قايراتكەرىنە زاماناۋي فيلمدەردىڭ 90 پايىزى ۇنامايدى ەكەن.

بۇل تۋرالى «استانا» ارناسىنىڭ «ەل اۋزىندا» باعدارلاماسىنا سىلتەمە جاساپ Stan.kz حابارلايدى.

«قازاق كينوسىنىڭ بۇگىنگى دەنى، جالپى 90 پايىزى ماعان ۇنامايدى. تاپقىرلىق بولسا، كەيدە ءداستۇرلى ءبىلىم جەتىسپەي جاتادى. قازاقتىڭ جانىن تۇسىنگەن ادامداردىڭ كاسىبي شەبەرلىگى جەتپەي جاتادى. نەگىزگى كوزدەگەندەرى شەتەلدىڭ فەستيۆالدەرىنە باعىتتالادى، ال ىشكى كورەرمەندى ەسكەرمەيدى. ال ىشكى كورەرمەندى ەسكەرسە، كەيبىر ىشكى زاڭدىلىقتارى ساقتالماي قالاتىن وسىنداي سىنداردى ايتۋعا بولادى.

ەكى بالاسى، ءبىر ايەلىنە اقىل ايتا الماي وتىرىپ، قوعامعا اقىل ايتقان ادامعا، يا بولماسا ءوزىنىڭ ءومىرىن ءجوندى جولعا قويا الماي وتىرىپ، حالىقتىڭ اتىنان سويلەۋگە قاقىسى بار ما دەگەن سۇراقتى قويساڭىز، سول ادامنىڭ تۇلعاسىنا ۇڭىلسەڭىز، تۇسىنىكتى بولادى»، - دەيدى تىلەۋحان.