+7 (701) 759 90 19
17 °С : نۇر-سۇلتان
26 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

بيىل ەلوردانىڭ اينالاسىنا 900 مىڭعا جۋىق كوشەت وتىرعىزىلادى

9 مامىر 12:30
:ءبولىسۋ
بيىل ەلوردانىڭ اينالاسىنا 900 مىڭعا جۋىق كوشەت وتىرعىزىلادى

نۇر-سۇلتان. قازاقپارات - ەلوردادا جاسىل جەلەكتەردى كوكتەمگى وتىرعىزۋ جۇمىسى جۇرگىزىلىپ جاتىر.

كوشەتتەر سانىن ارتتىرۋ جۇمىسى مەملەكەت باسشىسىنىڭ نۇر-سۇلتان ماڭىندا جاسىل بەلدەۋدى ءوسىرۋ تۋرالى تاپسىرماسى اياسىندا جۇزەگە اسىرىلۋدا، دەپ حابارلايدى قازاقپارات قالا اكىمدىگىنىڭ رەسمي سايتىنا سىلتەمە جاساپ.

بيىل «استانا ورمانى» ج ش س شامامەن 840 گەكتار الاڭعا جاڭا كوشەتتەر وتىرعىزۋدى باستادى.

«بيىل مەملەكەت باسشىسى قاسىم-جومارت توقايەۆتىڭ قازاقستان حالقىنا جولداۋىن ىسكە اسىرۋ اياسىندا نۇر-سۇلتان قالاسىنىڭ اينالاسىنا جاسىل بەلدەۋدى ارتتىرۋ ءۇشىن 900 مىڭعا جۋىق كوشەت وتىرعىزۋ جوسپارلانىپ وتىر. ونىڭ 60 مىڭى - قىلقان جاپىراقتى، 800 گەكتاردان استام الاڭعا وتىرعىزىلادى. قازىرگى ۋاقىتتا 405 گەكتار الاڭعا 450 مىڭ دانادان استام كوكتەمگى وتىرعىزۋ جۇزەگە اسىرىلۋدا، ونىڭ 51 مىڭى - قىلقان جاپىراقتى تۇقىمدار»، - دەپ حابارلادى «استانا ورمانى» ج ش س باس اگرونومى ارداق حاسەنوۆ.

سونىمەن قاتار، الدىن الا وتىرعىزۋ، سۋارۋ، قوپسىتۋ سەكىلدى كۇتىم جۇمىستارى جۇرگىزىلۋدە.

ايتا كەتەيىك، نۇر-سۇلتان قالاسىنىڭ جاسىل بەلدەۋى اۋماعىندا اعاش پەن بۇتانىڭ 34 تۇقىمداسىنان تۇراتىن 11,3 ميلليون اعاش پەن 1,9 ميلليون بۇتا وسەدى.

ەلوردانىڭ جاسىل بەلدەۋىن قالىپتاستىرۋدىڭ نەگىزگى ماقساتى ەلدىڭ باس قالاسىنىڭ اينالاسىندا جاسىل القاپتار قۇرۋ بولىپ سانالادى. ولار كليماتتى جاقسارتۋعا اسەر ەتىپ، نۇر-سۇلتان حالقىنىڭ ءومىرى مەن دەمالىسى ءۇشىن قولايلى جاعداي جاسايدى.

قازىرگى ۋاقىتتا جاسىل كەڭىستىكتەر ونەركاسىپ شىعارىندىلارىنىڭ، ونىڭ ىشىندە اۆتوموبيل كولىگى قالدىقتارىنىڭ ادامعا زياندى اسەرىن تومەندەتۋدە ۇلكەن ءرول اتقارادى.

سول سياقتى ەلدى مەكەندەردە تازا اۋا قالىپتاستىرۋدىڭ جالعىز كوزى بولىپ سانالادى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات