+7 (701) 759 90 19
1 °С : نۇر-سۇلتان
4 °С : الماتى
USD 388.70 EUR 428.70
RUB 6.08 CNY 55.46
جاڭالىقتار

ۇكىمەت اۋىلدارداعى ماسەلەلەردى شەشۋ ءۇشىن 900 ميلليارد تەڭگە بولمەك

6 قاراشا 13:13
:ءبولىسۋ
ۇكىمەت اۋىلدارداعى ماسەلەلەردى شەشۋ ءۇشىن 900 ميلليارد تەڭگە بولمەك

نۇر-سۇلتان. قازاقپارات - ۇكىمەت اۋىلدارداعى ماسەلەلەردى شەشۋ ءۇشىن 900 ميلليارد تەڭگە بولمەك.

بۇل تۋرالى بۇگىن ۇكىمەت وتىرىسىندا «اۋىل - ەل بەسىگى» باعدارلاماسىنىڭ جۇزەگە اسىرىلۋ بارىسى جايىندا بايانداعان ق ر پرەمەر-ءمينيسترىنىڭ ورىنباسارى رومان سكليار ايتتى، دەپ حابارلايدى قازاقپارات ءتىلشىسى.

«اۋىلدارداعى ماسەلەلەردى كەشەندى شەشۋ ءۇشىن ايتارلىقتاي قاراجات قاجەت. الدىن الا ەسەپتەۋ بويىنشا 900 ميلليارد تەڭگە كەرەك. بۇل رەتتە رەسپۋبليكالىق بيۋجەتتەن 70 پايىز نەمەسە 630 ميلليارد تەڭگەنى، ال قالعان 30 پايىز نەمەسە 270 ميلليارد تەڭگەنى جەرگىلىكتى بيۋجەتتەن ءبولۋ ۇسىنىلادى. اتالعان قاراجاتتاردى 2027-جىلعا دەيىن ءبولۋ ۇسىنىلىپ وتىر»، - دەدى ۆيتسە-پرەمەر.

ونىڭ دەرەگىنشە، 2019-جىلى 30 ميلليارد تەڭگە سوماعا شامامەن 700 مىڭ ادام تۇراتىن 53 اۋىلدا 452 ينفراقۇرىلىمدىق جوبا ىسكە اسىرىلۋدا. ولار الەۋمەتتىك جانە ينجەنەرلىك ينفراقۇرىلىمداردى جوندەۋ، قايتا جاڭارتۋ جونىندەگى جوبالار بولىپ سانالادى. قاراجاتتار جوسپارلى تۇردە يگەرىلىپ جاتىر.

«سونداي-اق، تۇڭعىش پرەزيدەنت - ەلباسىنىڭ «رۋحاني جاڭعىرۋ» باعدارلاماسى اياسىندا تۋعان اۋىلداردى اباتتاندىرۋ بويىنشا ءىرى كاسىپكەرلەردىڭ «كىشى وتانىنا» قامقورلىقپەن قاراۋ مەن مەتسەناتتىق جاساۋدىڭ جارقىن كورىنىسىنىڭ مىسالدارى بار. ماسەلەن، سوڭعى ەكى جىلدا قاراعاندى وبلىسىنىڭ شاحتەرسكوە اۋىلىن دامىتۋعا، «شاحتەرسكوە» ج ش س ديرەكتورى گەورگي پروكوپ 1 ميلليارد تەڭگەدەن استام قارجى ينۆەستيتسيالادى. «اگروفيرما رودينا» ج ش س ديرەكتورى يۆان ساۋەر اقمولا وبلىسىنىڭ رودينا اۋىلىن دامىتۋعا 500 ميلليون تەڭگەدەن استام قاراجات سالدى. بەلگىلى كاسىپكەر باۋىرجان وسپانوۆ مۇعالىمدەرگە ارنالعان تۇرعىن ۇيلەر سالىپ، الماتى وبلىسىنىڭ لەپسى اۋىلىندا 1 ميلليارد تەڭگەدەن استام سوماعا الەۋمەتتىك نىساندار جوندەلدى. مۇنداي مىسالدار ءار وبلىستا بار»، - دەدى ول.

ر. سكلياردىڭ ايتۋىنشا، ەلىمىزدىڭ بارلىق وڭىرلەرىندە اۋىل ينفراقۇرىلىمىن كەڭ اۋقىمدى جاڭعىرتۋ باستالادى. وعان كوزدەلگەن 30 ميلليارد تەڭگەگە 2020-جىلى قوسىمشا 50 ميلليارد تەڭگە بولىنەدى.

«جالپى بولىنەتىن قاراجاتقا 250 اۋىلدا 1641 جوبانى ىسكە اسىرۋ جوسپارلانۋدا. اۋىل حالقىن جۇمىسپەن قامتۋدى قامتاماسىز ەتۋ جانە ىسكە اسىرىلىپ جاتقان جوبالارعا جاڭا داعدى الۋ ماقساتىندا اۋىل جاستارى تارتىلاتىن بولادى. ءوڭىر اكىمدەرى شۇعىل تۇردە ءتيىستى جوبالىق قۇجاتتامانى ازىرلەۋى قاجەت»، - دەدى ۇكىمەت باسشىسىنىڭ ورىنباسارى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات