+7 (701) 759 90 19
USD 426.32 EUR 496.24
RUB 6.04 CNY 66.74
جاڭالىقتار

90 جاستاعى اكتەر New Shepard كەمەسىمەن عارىشقا ۇشتى

14 قازان 10:33
:ءبولىسۋ
90 جاستاعى اكتەر New Shepard كەمەسىمەن عارىشقا ۇشتى

نۇر- سۇلتان. قازاقپارات - كانادالىق گولليۆۋد اكتەرى، اڭىزعا اينالعان عىلىمي- فاەتاستيكالىق «جۇلدىزدى ترەك» تەلەحيكاياسىنىڭ جۇلدىزى ۋيليام شاتنەر سارسەنبىدە عارىشقا ۇشتى، دەپ حابارلايدى قازاقپارات BBC گە سىلتەمە جاساپ.

ول كاسىپكەر دجەفف بەزوستىڭ Blue Origin سۋبوربيتالدىق New Shepard كەمەسى ەكيپاج مۇشەلەرىنىڭ ءبىرى بولدى. Star Trek- تىڭ العاشقى ماۋسىمىندا كاپيتان كيرك رولىمەن تانىمال شاتنەر جاڭا شەپاردتىڭ ەكىنشى ۇشىرىلىمىنا قاتىستى.

اكتەر عارىشتاعى ەڭ قارت ادام بولدى. ۇشۋدى باسقارۋ كەڭسەسى ساپار جوسپارعا سايكەس ءوتتى دەپ حابارلادى. عارىشكەرلەر وتىرعان كاپسۋلا تەحاسقا قالىپتى تۇردە قوندى. ءمالىم بولعانداي، ۇشۋعا قاتىسۋشىلاردىڭ بارلىعى ءوزىن قالىپتى سەزىنەدى. قونعاننان كەيىن كاپسۋلا ليۋگىن اشقان بەزوسقا: «ءسىز ماعان ەڭ تەرەڭ تاجىريبە بەردىڭىز .. . مەنىڭ كەۋدەم ەموتسياعا تولى»، - دەدى.


ال ستارت الدىندا اكتەر الداعى سىناقتان ازداپ قورقاتىنىن مويىنداعان بولاتىن. شاتنەردىڭ ۇشۋى شامامەن 10 مينۋتقا سوزىلدى. New Shepard عارىش كەمەسى 100 كيلومەتردەن استام بيىكتىككە كوتەرىلدى، ونى كوپتەگەن ادامدار عارىشتىڭ شەكاراسى دەپ سانايدى. قىسقا ۋاقىت ىشىندە ەكيپاج سالماقسىزدىق سەزىمىن باستان كەشىردى جانە جەردىڭ دوڭگەلەنگەن سۇلبالارىن كوردى. شاتنەر ساپار الدىندا: «عارىشقا ۇشۋدىڭ، جۇلدىزدارعا جاقىن بولۋدىڭ جانە تارتىلىس كۇشىنىڭ نولدىك دەڭگەيىندە بولۋدىڭ جۇمباق كۇشى بار. مەن عارىشتىڭ كورىنىسىن تاماشالايمىن. مەن جەر شارىنا قاراپ، ونىڭ سۇلۋلىعىنان ءلاززات العىم كەلەدى»، - دەگەن بولاتىن.



#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات