الەمدە 9,5 ميلليون استام ادام وبىر دەرتىمەن كۇرەسۋدە

استانا. قازاقپارات - بيىل دۇنيە جۇزىندە 9 ميلليون 6 مىڭ ادام وبىر دەرتىمەن كۇرەسىپ جاتىر. دۇنيەءجۇزى دەنساۋلىق ساقتاۋ ۇيىمىنىڭ مالىمەتىنشە، وسى دەرتتەن ەر ازاماتتىڭ ءاربىر سەگىزىنشىسى كوز جۇمسا، نازىك جاندىلاردىڭ ءاربىر ون ءبىرىنشىسى دۇنيەدەن وتەدى.

 اتى جامان اۋرۋدان 2012 -جىلى 8 ميليوننان استام ادام قايتىس بولسا، بيىل بۇل كورسەتكىش 14 ميلليونان اسىپ جىعىلدى. وبىردى زەرتتەۋ حالىقارالىق اگەنتتىگىنىڭ ەسەبىنشە بيىلعى جىلدىڭ وزىندە الەم بويىنشا 18 ميلليوننان اسا جاڭا اۋرۋ فاكتىلەرى انىقتالۋى مۇمكىن. ال 2040 -جىلعا قاراي بۇل كورسەتكىش 29 ميلليوننان ارتىق بولماق. عالىمدار وبىردىڭ بەلەڭ الۋىن كەي ەلدەگى تۇرمىستىق جاعدايدىڭ تومەندىگى مەن ءومىر ءسۇرۋ سالتىمەن بايلانىستىرادى.

 كريستوفەر ۋايلد، وبىردى زەرتتەۋ حالىقارالىق اگەنتتىگىنىڭ ديرەكتورى:

 - مەنىڭ ويىمشا، وبىردىڭ دەندەۋ ءۇردىسى ايتارلىقتاي وزگەرگەن. نەگىزىندە دەنەدە ارتىق سالماقتىڭ پايدا بولۋىمەن قاتار فيزيكالىق جاتتىعۋلاردىڭ كەمۋى بۇعان باستى سەبەپ بولسا كەرەك- ءتى. دۇرىس تاماقتانباۋ دا دەموگرافيالىق جاعدايعا ايتارلىقتاي كەرى اسەرىن تيگىزۋى مۇمكىن.

www.24.kz