+7 (701) 759 90 19 Лента
17 °С : استانا
25 °С : الماتى
USD 378.93 EUR 423.00
RUB 5.87 CNY 54.82
جاڭالىقتار

ەلوردادا 9 ميلليارد دوللارلىق 45 كەلىسىمگە قول قويىلدى

17 مامىر 14:54 133
:ءبولىسۋ
ەلوردادا 9 ميلليارد دوللارلىق 45 كەلىسىمگە قول قويىلدى

نۇر- سۇلتان. قازاقپارات - ۇكىمەت باسشىسى اسقار ءماميننىڭ توراعالىعىمەن وتكەن «Kazakhstan Global Investment Rountable»  دوڭگەلەك ۇستەلىندە قۇنى 9 ميلليارد ا ق ش دوللارىن قۇرايتىن كەلىسىمدەرگە قول قويىلدى، دەپ حابارلايدى قازاقپارات ءتىلشىسى.

KGIR-2019 قازاقستاندىق جانە شەتەلدىك ينۆەستورلار ءۇشىن ماڭىزدى ينۆەستيتسيالىق وقيعالاردىڭ ءبىرى بولا وتىرىپ، ءوز الاڭىندا 1100-دەن استام ءىرى الەمدىك جانە قازاقستاندىق كومپانيالاردىڭ باسشىلارىن، حالىقارالىق ساراپشىلار مەن مەملەكەتتىك ۇيىمداردىڭ وكىلدەرىن جينادى. ولاردىڭ ىشىندە 600-دەن استام 41 ەلدەن كەلگەن قوناقتار، سونداي- اق

«Cisco», «Nokia», «CITIC Bank Corporation», «WILO SE Group», «AGCO Corporation», «Valmont Industries», «Tyson Foods», «Yildirim Group» 

جانە تاعى باسقا ءىرى كومپانيالاردىڭ توپ- مەنەدجەرلەرى بار.

ءىس- شارا بارىسىندا قاتىسۋشىلار جالپى قۇنى 8,9 ميلليارد ا ق ش دوللارىن قۇرايتىن 45 كوممەرتسيالىق كەلىسىمگە قول قويدى.

اەف- ءتىڭ بۇگىنگى سەسسياسىنىڭ قورىتىندى بريفينگىندە ءبىرشاما ينۆەستيتسيالىق كەلىسىمدەرگە قول قويىلادى. اتاپ ايتقاندا، تىڭ مەموراندۋمدارعا سايكەس، رەسەيلىك كومپانيا تۇركىستاندا 500 گەكتارلىق جىلىجاي سالۋدى كوزدەسە، تۇركيالىق «Yildirim Holding» كومپانياسى جامبىل وبلىسىندا كالتسي قوسىلعان سودا زاۋىتىن تۇرعىزباق.

سول سەكىلدى رەسەيلىك اەون كورپوراتسياسى اقتوبە قالاسىنداعى اۋەجايدى قايتا جوندەۋدەن وتكىزبەك.

گاز- حيميا سالاسىندا ماڭعىستاۋ وبلىسىنىڭ اكىمدىگى مەن «Westgasoil» كومپانياسى (سينگاپۋر) مەتانول جانە ولەفيندەردى ءوندىرۋ جوباسىن جۇزەگە اسىرۋ بويىنشا ىنتىماقتاستىق تۋرالى كەلىسىمگە قول قويىلدى. جوبانى جۇزەگە اسىرىلۋى حيميا ونىمدەردىن ءوندىرۋىن ورنالاستىرىپ، ەلدىڭ گاز- حيميا كەشەنىن دامىتۋ ارقىلى يمپورت الماستىرۋدى قامتاماسىز ەتەدى.

سونىمەن قاتار، ءبىلىم بەرۋ سالاسىندا ەلىمىزدىڭ ءۇش ايماعى نۇر- سۇلتان، الماتى جانە شىمكەنت قالالارىندا سينگاپۋرلىق ينۆەستور (Kinder World) «ءبىلىم مەتروپوليسىن سالۋ - مەكتەپ، كوللەدج، ۋنيۆەرسيتەت» جوباسىنىڭ جول كارتاسىنا قول قويدى. جاقىن ارادا نۇر- سۇلتان قالاسىندا حالىقارالىق مەكتەپتەر جەلىسى، كوللەدج جانە ءبىلىم بەرۋ كەشەنى سالىنادى.


:ءبولىسۋ

اأتور:

novasa

ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
مۇراعات