رەسەي بانكتەرىنىڭ قازاقستاندىق بولىمشەلەرىندە 9,2 ميلليارد تەڭگە بۇعاتتالعان
بۇل تۋرالى ق ر قارجى نارىعىنى رەتتەۋ جانە دامىتۋ اگەنتتىگىنىڭ ءتوراعاسى ءمادينا ءابىلقاسىموۆا ءماجىلىس دەپۋتتارىنىڭ ساۋالىنا جولداعان جاۋابىندا ايتتى، دەپ حابارلايدى قازاقپارات ءتىلشىسى.
«سانكسيالىق تالاپتار اياسىندا جەكەلەگەن شەتەلدىك بانكتەر - «سبەربانك» ا ق ەنشىلەس بانكىنىنىڭ، «الفا- بانك» ا ق ەنشىلەس بانكىنىڭ جانە «بانك ۆ ت ب (قازاقستان)» ا ق ەنشىلەس ۇيىمىنىڭ شەتەل ۆاليۋتاسىنداعى كوررەسپوندەنتتىك شوتتارى بۇعاتتالعان.
اتالعان بانكتەردىڭ مالىمەتىنشە، سالدارىنان جالپى سوماسى شامامەن 9,2 ميلليارد تەڭگە («سبەربانك» ا ق ەب بويىنشا - 2,7 ميلليارد تەڭگە، «الفا- بانك» ا ق ، ە ب بويىنشا - 6,2 ميلليارد تەڭگە، «بانك ۆ ت ب (قازاقستان) « ا ق ە ۇ بويىنشا - 0,3 ميلليارد تەڭگە) بولاتىن قالدىقتارعا شەكتەۋ قويىلعان. بۇدان باسقا «سبەربانك» ا ق ەنشىلەس بانكىنىڭ جەكەلەگەن كليەنتتەرىنىڭ 2,9 ميلليارد تەڭگە بولاتىن شەتەل ۆاليۋتاسىنداعى تولەمدەردى بۇعاتتالعان.
«الفا- بانك» ا ق ەنشىلەس بانكىنىڭ جەكەلەگەن كليەنتتەرىنىڭ 3,9 ميلليارد تەڭگە بولاتىن شەتەل ۆاليۋتاسىنداعى تولەمدەر مەن اۋدارىمدارى بۇعاتتالدى.
قازىرگى تاڭدا بانكتىڭ جاڭا اكسيونەرى «بانك سەنتركرەديت» ا ق بانكتى ا ق ش پەن ءبىرقاتار باسقا ەلدەردىڭ سانكسيالىق تىزىمىنەن شىعارۋ جۇمىستارىن جۇرگىزۋدە» دەپ جازىلعان جاۋاپتا.
اگەنتتىك باسشىسىنىڭ دەرەگى بويىنشا، «بانك ۆ ت ب (قازاقستان)» ا ق ەنشىلەس ۇيىمىنىڭ كليەنتتەرىنىڭ تولەم جانە اۋدارىم وپەراتسيالارى شەڭبەرىندە قاراجاتتاردى وقشاۋلاۋ نەمەسە بۇعاتتاۋ فاكتىلەرى جوق. سونداي- اق، ول اتالعان ەنشىلەس بانكتەردىڭ باسىنداعى پروبلەمانىڭ سالدارىنان شىعىن كوردىم دەپ ەسەپتەيتىن قازاقستاندىقتار سوتقا جۇگىنە الاتىنىن ايتادى.
«سبەربانك» ا ق ەنشىلەس بانكى جانە «الفا- بانك» ا ق ەنشىلەس بانكى قاراجاتىن بۇعاتتاۋ جانە ولاردىڭ كليەنتتەرىنىڭ قاراجاتىن وقشاۋلاۋعا بايلانىستى قالىپتاسقان جاعداي سىرتقى گەوساياسي تاۋەكەلدەرگە بايلانىستى. وسى ورايدا كليەنتتەر ەكى بانككە قاتىستى شىعىندارىن وتەپ الۋ ءۇشىن ازاماتتىق تالاپ ارىز بەرگەن جاعدايدا بانكتەر سوت ورگاندارىنىڭ شەشىمدەرىنە سايكەس بۇل تالاپتى قاناعاتتاندىرادى»، - دەپ جازادى ءمادينا ءابىلقاسىموۆا.
بۇعان دەيىن اتالعان اگەنتتىك باسشىسى ب ا ق وكىلدەرىنە 3 رەسەيلىك بانككە قاتىستى 3 ميلليارد تەڭگە بۇعاتتالدى دەگەن اقپارات بەرگەن بولاتىن.
اۆتور: ەسىمجان ناقتىباي