رەسەيدە مەكتەپتەگى اتىستان 9 ادام قازا تاۋىپ، 20 سى جاراقات الدى

ماسكەۋ. تاسس - قازاقپارات - رەسەيدىڭ يجيەۆسك قالاسىنداعى مەكتەپتە اتىس بولىپ، توعىز ادام قازا تاپتى، 20 ادام جاراقات الدى.

الدىن الا مالىمەت بويىنشا، قاسكوي ءوز- وزىنە قول جۇمساعان، دەپ حابارلايدى قازاقپارات ت ا س س اگەنتتىگىنە سىلتەمە جاساپ.

«بۇگىن پوليسياعا يجيەۆسك قالاسىنىڭ №88 مەكتەبىندە اتىس بولعانى تۋرالى حابارلاما كەلىپ ءتۇستى. پوليتسيا قىزمەتكەرلەرى دەرەۋ وقيعا ورنىنا باردى»، - دەدى ۇدمۇرت رەسپۋبليكاسى بويىنشا رەسەي ءى ءى م باسپا ءسوز قىزمەتى.

وقۋ ورنىنىڭ كۇزەتشىسى كوز جۇمدى، ستۋدەنتتەر اراسىندا دا قۇربان بولعاندار مەن جاراقات العاندار بار.

الدىن الا مالىمەت بويىنشا، شابۋىل جاساۋشى ادام ءوز- وزىنە قول جۇمساعان. وقۋشىلار مەن مۇعالىمدەر ەۆاكۋاتسيالاندى.

ۇدمۇرت باسشىسى الەكساندر برەچالوۆ وقيعا ورنىنا كەلدى.

مەكتەپ يجيەۆسك قالاسىنىڭ ورتالىعىندا قالا اكىمشىلىگى عيماراتىنىڭ جانىندا ورنالاسقان. قازىر وندا 982 وقۋشى وقيدى، 80 ءمۇعالىم جۇمىس ىستەيدى.

ەسكە سالا كەتەيىك، 2021 -جىلدىڭ مامىر ايىندا قازانداعى مەكتەپتە بولعان اتىس سالدارىنان 8 ادام قازا تاۋىپ، 21 ادام زارداپ شەككەن بولاتىن.