قازاقستاندا ترانس ۇلتتىق كومپانيالاردىڭ 9,2 ميلليارد دوللارلىق 22 جوبا پىسىقتالۋدا
ءمينيستردىڭ ايتۋىنشا، مەملەكەت باسشىسىنىڭ تاپسىرمالارىن ورىنداۋ ماقساتىندا «100 ناقتى قادام» - ۇلت جوسپارى اياسىندا مينيسترلىك ترانس ۇلتتىق كومپانيالاردى تارتۋ جۇمىستارىن بەلسەندى تۇردە جۇرگىزۋدە. شامامەن 10,6 ميلليارد دوللار بولاتىن 34 جوبادان ترانسۇلتتىق كومپانيا جوبالارىنىڭ ءتىزىمى جاسالدى. جالپى سوماسى 1,4 ميلليارد دوللار بولاتىن 12 جوبا ىسكە اسىرىلۋ ساتىسىندا، 9,2 ميلليارد دوللارلىق 22 جوبا پىسىقتالۋدا.
«قازىرگى ۋاقىتتا 3 دەڭگەيلى ينۆەستيتسيا تارتۋ جۇيەسى قۇرىلدى: سىرتقى دەڭگەيدە - ق ر سىرتقى ىستەر مينيسترلىگى، قازاقستاننىڭ شەتەلدەگى مەكەمەلەرىنىڭ ينۆەستيتسيالىق كەڭەسشىلەرى جانە «Kazakh Invest» وكىلدەرى؛ ورتالىق دەڭگەيدە - ينۆەستيتسيالار جانە دامۋ مينيسترلىگىنىڭ ينۆەستيتسيالار جونىندەگى كوميتەتى جانە «Kazakh Invest» ۇلتتىق كومپانياسى ا ق- ى؛ وڭىرلىك دەڭگەيدە - جەرگىلىكتى اتقارۋشى ورگاندار، «Kazakh Invest» ۇلتتىق كومپانياسى ا ق- نىڭ ايماقتىق وكىلدەرى»، - دەدى ول.
جەڭىس قاسىمبەكتىڭ دەرەگىنشە، سوڭعى جىلدارى ەلىمىزدە زاڭناماعا وزگەرىستەر ەنگىزىپ، رۇقسات بەرۋ، سالىق سالۋ، كەدەندىك باقىلاۋ جۇيەلەرىن، كوشى- قون ۆيزالىق رەجىمىن جەڭىلدەتىلدى. سونداي- اق ە ى د ۇ ۇسىنىستارىنا سايكەس سوت جۇيەسىن جەڭىلدەتىلدى.
«قازىرگى ۋاقىتتا ءىرى ينۆەستورلاردىڭ قاتىسۋىمەن بولاتىن ينۆەستيتسيالىق داۋلار ءبىرىنشى ساتىداعى سوت ەرەجەلەرى بويىنشا جوعارعى سوتتا، قالعاندارى استانا قالاسىنىڭ سوتىندا قارالادى. ولاردى قاراۋ ءۇشىن جوعارعى سوتتا استانا قالاسىنىڭ مامانداندىرىلعان سوت القاسى قۇرىلدى. پروبلەمالىق ماسەلەلەردى جەدەل شەشۋ ماقساتىندا ينۆەستورلاردىڭ مەملەكەتتىك ورگاندارمەن داۋلى ماسەلەلەرى بويىنشا مۇددەلەرىن قورعايتىن ينۆەستيتسيالىق ومبۋدسمەننىڭ ينستيتۋتى جۇمىس ىستەيدى»، - دەدى مينيستر.
«قازىرگى تاڭدا قازاقستان ورتالىق ازياداعى تىكەلەي ينۆەستيتسيالاردى تارتۋ بويىنشا كوشباسشى ەل. قازاقستاننىڭ ۇلەسى شامامەن 70 پايىزدى قۇرايدى. بيىل 9 ايدا نەگىزگى كاپيتالعا سالىنعان ينۆەستيتسيالاردىڭ جالپى كولەمى 21,6 پايىزعا ارتىپ، 7,5 تريلليون تەڭگەنى قۇرادى. تاۋ- كەن ونەركاسىبىندە 41,4, قۇرىلىستا 37,1 جانە وڭدەۋ ونەركاسىبىندە 26,4 پايىزعا ءوسىم بايقالادى»، - دەدى مينيستر.
ونىڭ دەرەگىنشە، رەسپۋبليكالىق دەڭگەيدە ينۆەستيتسيالاردىڭ باسىم بولىگى اتىراۋ، استانا، الماتى قالالارىنا تيەسىلى. نەگىزگى كاپيتالعا سالىنعان ينۆەستيتسيالار كولەمىندەگى جەكە قورلاردىڭ ۇلەسى 2018 -جىلدىڭ 9 ايىندا 73,1 پايىزدى قۇراعان، ول 5,5 تريلليون تەڭگە.
بيىلعى ءبىرىنشى جارتىجىلدىقتىڭ قورىتىندىسى بويىنشا تىكەلەي شەتەلدىك ينۆەستيتسيالاردىڭ جالپى كولەمى 15,4 پايىزعا ۇلعايىپ، 12,3 ميلليارد دوللاردى قۇرادى. اتاپ ايتقاندا، ءوسىم مىنا سالالاردا بايقالدى: تاۋ- كەن ونەركاسىبى - 6,7 ميلليارد دوللار، ساۋدا - 2,0 ميلليارد تەڭگە جانە كولىك، قارجىلىق جانە ساقتاندىرۋ قىزمەتى، اقپارات جانە بايلانىس سالالارى»، - دەدى جەڭىس قاسىمبەك.
اۆتور: مارلان جيەمباي