+7 (701) 759 90 19
2 °С : نۇر-سۇلتان
15 °С : الماتى
USD 389.81 EUR 430.27
RUB 6.06 CNY 54.91
جاڭالىقتار

تۇركىستان وبلىسىندا 9 ايدا 100 مىڭعا جۋىق وتباسىعا اتاۋلى الەۋمەتتىك كومەك بەرىلدى

11 قازان 13:00
:ءبولىسۋ
تۇركىستان وبلىسىندا 9 ايدا 100 مىڭعا جۋىق وتباسىعا اتاۋلى الەۋمەتتىك كومەك بەرىلدى

تۇركىستان. قازاقپارات - تۇركىستان وبلىسىندا بيىلعى جىلدىڭ 1 -قازانىنداعى ەسەپ بويىنشا اتاۋلى الەۋمەتتىك كومەك 99,7 مىڭ وتباسىعا، ناقتى 577,8 مىڭ ادامعا تاعايىندالعان، دەپ حابارلايدى قازاقپارات وڭىرلىك كوممۋنيكاتسيالار قىزمەتىنە سىلتەمە جاساپ.

ونىڭ ىشىندە 352,4 مىڭى - بالالار، 65,7 مىڭ وتباسى - كوپ بالالىلار. بۇگىن بۇل تۋرالى جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى ءاسيا تەمىربايەۆا ءمالىم ەتتى. وبلىستا ا ا ك تولەۋگە كوزدەلگەن 60,7 ميلليارد تەڭگە قارجىنىڭ بۇگىنگى تاڭدا %71 ى، 43 ميلليارد تەڭگەسى يگەرىلگەن.

«ا ا ك تولەمدەرى مەن جۇمىسپەن قامتۋ شارالارى قيىن ومىرلىك جاعدايدان شىعۋ ءۇشىن كوپتەگەن وتباسىلارعا كومەكتەستى. مۇقتاج وتباسىلار مەملەكەت تاراپىنان شىنايى قولداۋ كوردى، ونىڭ جارتىسى دەرلىك كوپبالالى وتباسىلار، سونداي-اق، كەيبىرەۋلەرى از قامتىلعاندار ساناتىنان شىقتى. وبلىستا جالپى 62,8 مىڭ ادام جۇمىسپەن قامتۋدىڭ بەلسەندى شارالارىنا تارتىلدى، 1 مىڭ ادام كاسىپكەرلىكتى دامىتۋعا ميكروكرەديتتەر الدى، ونىڭ ىشىندە كاسىپكەرلىكتى دامىتۋ ءۇشىن 74 كوپبالالى وتباسى، مۇگەدەكتىگى بار تۇلعالار جانە جاستار شاعىن نەسيەلەر الدى. سونداي-اق، بيزنەس يدەيانى ىسكە اسىرۋعا 200 ايلىق ەسەپتىك كورسەتكىش كولەمىندە 1,2 مىڭ گرانت بەرىلدى، ونىڭ ىشىندە 120 كوپبالالى وتباسى الدى. ا ا ك-نىڭ ءبىرجولعى تولەم ەسەبىنەن 5439 ادام ءوز ءىسىن اشتى، ونىڭ ىشىندە 1909 ادام - كوپبالالى انا»، - دەدى ءاسيا قۇرال قىزى.

الايدا، ا ا ك-تى زاڭسىز تاعايىنداۋعا الىپ كەلگەن 18 مىڭنان استام وتباسىنىڭ ءوزىنىڭ ناقتى تابىسىن جاسىرعاندىعى انىقتالعان. ناتيجەسىندە وبلىستا جۇرگىزىلگەن مونيتورينگتىڭ قورىتىندىسى بويىنشا 3 ميلليارد تەڭگەگە جۋىق قارجى ۇنەمدەلىپ، ارتىق تولەنگەن 650 ميلليون تەڭگەنىڭ 38,8 ميلليون تەڭگەسى قايتارىلىپ وتىر.


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات