پروكۋرور قايرات بورانبايەۆتى 8 جىلعا باس بوستاندىعىنان ايىرۋدى سۇرادى

None
استانا. قازاقپارات - پروكۋرور قايرات بورانبايەۆتى 8 جىلعا باس بوستاندىعىنان ايىرىپ، مۇلكىن تاركىلەۋدى سۇرادى، دەپ حابارلايدى قازاقپارات ءتىلشىسى.

بۇگىن ەلوردانىڭ سارىارقا اۋداندىق №2-سوتىندا قايرات بورانبايەۆقا قاتىستى قىلمىستىق ءىستى قاراۋ جالعاستى.

«قايرات بورانبايەۆتى قىلمىستىق كودەكستىڭ 28-بابىنىڭ 5-بولىگىندە (قىلمىس جاساۋعا جاردەمدەسۋ)، اتالعان باپتىڭ 2-تارماعىنىڭ 189-بولىگىنىڭ 4-بولىگىندە (جىمقىرۋ نەمەسە بوگدەنىڭ مۇلكىن اسا ءىرى مولشەردە ۇرلاۋ)، سونىمەن قاتار 218-باپتىڭ 3-بولىگىنە سايكەس قىلمىستىق جولمەن ءىرى كولەمدە اقشا جانە مۇلىك يەلەنگەنى ءۇشىن كىنالى دەپ تانۋدى سۇرايمىن. وعان ق ر قىلمىستىق كودەكستىڭ 28-بابى، 5-بابى جانە 4-باپتىڭ 189-بولىگى بويىنشا جازا تاعايىندالسىن. ياعني ءومىر بويى مەملەكەتتىك قىزمەت، قارجى نارىعى مەن قارجى ۇيىمدارىن رەتتەۋ مەن باقىلاۋ جانە قاداعالاۋ جونىندەگى ۋاكىلەتتى ورگاندا، مەملەكەتتىك ۇيىمدار مەن كۆازيمەملەكەتتىك سەكتور سۋبەكتىلەرىندە لاۋازىمداردى اتقارۋ قۇقىعىنان ايىرا وتىرىپ، 8 جىل باس بوستاندىعىنان ايىرۋ جانە 218-بابى 3-بولىگى بويىنشا مۇلىكتەرىن تاركىلەۋ سۇرالادى»، - دەدى مەملەكەتتىك ايىپتاۋشى، پروكۋرور ايجان ايماعانوۆا سوتتا.

سونداي-اق، مەملەكەتتىك ايىپتاۋشى ق. بورانبايەۆ جازاسىن ورتاشا قاۋىپسىزدىك قىلمىستىق-اتقارۋ جۇيەسى مەكەمەسىندە وتەۋ رەجيمىن تاعايىنداۋدى سۇرادى.

«ق. بورانبايەۆقا قاتىستى قاماۋدا ۇستاۋ تۇرىندەگى بۇلتارتپاۋ شاراسى بۇرىنعىداي قالدىرىلسىن. بورانبايەۆتى قاماۋدا ۇستاۋ ۋاقىتى 15-ناۋرىزدان باستاپ ۇكىم زاڭدى كۇشىنە ەنگەن كۇنگە دەيىن 1,5 كۇن باس بوستاندىعىنان ايىرۋ ءۇشىن 1 كۇن ەسەبىنەن جازا مەرزىمىنە ەسەپتەۋدى سۇرايمىن. وعان تيەسىلى جىلجىمايتىن مۇلىككە جانە اقشالاي قاراجاتقا سالىنعان تىيىم مۇلىكتى تاركىلەۋگە جانە وعان قاتىستى باسقا قىلمىستىق ءىستى تەرگەۋگە بايلانىستى سول كۇيىندە قالدىرىلسىن»، - دەيدى پروكۋرور.

ودان بولەك، سوتتا قىلمىستىق كودەكستىڭ 49-بابىنا سايكەس ق. بورانبايەۆقا (ارناۋلى، اسكەري اتاق-دارەجەلەرى، شەنى مەن ديپلوماتيالىق دارەجەسىنەن، بىلىكتىلىگى جانە مەملەكەتتىك اتاقتارىنان ايىرۋ) بەرىلگەن مەملەكەتتىك ناگرادالاردى كەرى قايتارۋدا سۇرالدى. ولاردىڭ قاتارىندا «قۇرمەت»، «ەرەن ەڭبەگى ءۇشىن»، «پاراسات» جانە ءۇشىنشى دارەجەلى بارىس وردەنى بار.

ايتا كەتسەك، استانادا قايرات بورانبايەۆقا قاتىستى سوت وتىرىسى بىلتىر جەلتوقساندا باستالعان ەدى.

ەستەرىڭىزگە سالا كەتەيىك، قارجىلىق مونيتورينگى اگەنتتىگى قايرات بورانبايەۆتىڭ ۇستىنەن كۆازيمەملەكەتتىك سەكتوردا اسا ءىرى كولەمدە قاراجات جىمقىرۋ فاكتىسىمەن ءىس قوزعاپ، يزولياتورعا قاماعان بولاتىن.

كەيىن قايرات ساتىبالدى مەن قايرات بورانبايەۆتىڭ سىرتقا زاڭسىز شىعارىلعان اكتيۆتەرى قايتارىلا باستاعانى حابارلاندى.

سوڭعى جاڭالىقتار