قىزىلوردادا جاپپاي توبەلەس بولىپ، 8 ادام ۇستالدى

None
قىزىلوردا. قازاقپارات - قىزىلوردا وبلىسىندا كوشەدەگى توبەلەستەن كەيىن پوليتسيا بولىمىنە 8 ادام جەتكىزىلدى، دەپ حابارلايدى قازاقپارات ءتىلشىسى.

وقيعا 26-ناۋرىزدا ساعات 2.00 شاماسىندا قازالى اۋدانىنىڭ ورتالىعى ايتەكە بي كەنتى ءپىرىموۆ كوشەسىنىڭ بويىندا بولدى. پوليتسيا بولىمىنە ەر ازاماتتاردىڭ ايقاي-شۋ شىعارىپ، بۇزاقىلىق جاتقاندىعى تۋرالى حابارلاما تۇسكەن.

«توبەلەسكە قاتىستى دەگەن 8 ادام پوليتسيا بولىمىنە جەتكىزىلدى. وقيعا بويىنشا قالعان ازاماتتاردى انىقتاۋ باعىتىندا ءتيىستى شارالار جۇرگىزىلۋدە. زارداپ شەككەندەر جوق. پوليتسياعا شاعىم تۇسكەن جوق»، - دەپ ءمالىم ەتتى قىزىلوردا وبلىستىق پوليتسيا باسقارماسىنان.

ۆەدومستۆو مالىمەتىنشە، بۇل بويىنشا تەرگەۋ ارەكەتى جۇرگىزىلۋدە. اۋدان اۋماعىندا قوعامدىق ءتارتىپتى قامتاماسىز ەتۋ ماقساتىندا پاترۋلدىك پوليتسيا مەن ۋچاسكەلىك ينسپەكتورلاردىڭ ناريادتارى كۇشەيتىلگەن.

اۆتور

ءادىلجان ۇمبەت

سوڭعى جاڭالىقتار