ەلوردادا قارجى پيراميداسىن ۇيىمداستىرعان ەر ادام 8 جىلعا سوتتالدى

استانا. قازاقپارات - قارجى پيراميداسىن ۇيىمداستىرۋشى مەن قىلمىستىق توپتىڭ باسشىسىنا قاتىستى سوت ۇكىمى شىقتى، دەپ حابارلايدى قازاقپارات استانا قالالىق سوتىنىڭ سايتىنا سىلتەمە جاساپ.

2023 -جىلعى 15- ناۋرىزدا استانا قالاسى سارىارقا اۋدانىنىڭ №2 اۋداندىق سوتى قارجىلىق پيراميدا قۇرۋ جانە ونى باسقارۋ، سونداي- اق الاياقتىق جاساۋ فاكتىسى بويىنشا قىلمىستىق ءىستىڭ ايىپتاۋ ۇكىمىن شىعاردى.

م. ەسىمدى ەر ادام 2019 -جىلدىڭ قازان- جەلتوقسان ايلارىندا 6 ادامدى قىلمىستىق توپقا قاتىستىرىپ، كاسىپكەرلىك قىزمەتكە ەلىكتەۋ ماقساتىندا بىرنەشە جاۋاپكەرشىلىگى شەكتەۋلى سەرىكتەستىكتى ساتىپ الىپ، سولاردىڭ كومپانيالارى كولىك قۇرالدارىن نارىقتاعى باعادان تومەن ساتۋمەن اينالىسادى دەگەن اقپارات تاراتقان.

وسىلايشا، 2019 -جىلدىڭ ناۋرىزى مەن 2021 -جىلدىڭ قازان ايلارى ارالىعىندا

«Mega-General Cоmpany», «Mega-General Co», «NurAutoKz» ЖШС ، ЖК «Nur-Ai»

دەن استام تۇلعامەن كەلىسىم- شارت جاساسىپ، ازاماتتاردىڭ جالپى سوماسى 7,5 ميلليارد تەڭگەنى قۇرايتىن اقشالاي قاراجاتى مەن مۇلكىن تارتتى.

م. سونداي- اق الاياقتىق جاساعانى ءۇشىن ايىپتالدى. قارجى پيراميداسىنىڭ قىزمەتىن قولداۋ ماقساتىندا اتالعان تۇلعالار الاياقتىق جانە سەنىمگە قيانات جاساۋ ارقىلى العان كولىكتەرىن كەپىلگە قويىپ، نەسيە بەرىپ، سونداي- اق اۆتوكولىكتەردى ساتامىز دەپ سەندىرىپ، 25 تەن استام جابىرلەنۋشىنىڭ قوماقتى اقشاسىن يەمدەنىپ العان.

پروكۋرور سوتتان م- دى 10 جىلعا باس بوستاندىعىنان ايىرۋ جازاسىن بەرۋدى، ال قورعاۋشى تاراپ سوتتالۋشىنىڭ كىناسىزدىگىنە بايلانىستى ونى اقتاۋدى سۇرادى. جابىرلەنۋشىلەرگە كەلتىرىلگەن ماتەريالدىق شىعىن وتەلگەن جوق.

سوت ۇكىمى كەلەسىدەي بولدى: م. ۇيىمداسقان توپ قۇرۋ جانە وعان جەتەكشىلىك ەتۋ (ق ك- ءنىڭ 262-بابىنىڭ 1-بولىگى)، قارجىلىق (ينۆەستيتسيالىق) پيراميدا قۇرۋ (ق ك 217-بابىنىڭ 3-بولىگى)، سونداي- اق قىلمىستىق توپتىڭ قۇرامىندا اسا ءىرى مولشەردە الاياقتىق جاساعانى ءۇشىن (ق ك 190-بابى 4-بولىگىنىڭ 1, 2) تارماعى) كىنالى دەپ تانىلدى.

سوت جازانى جەڭىلدەتەتىن ءمان- جايلار رەتىندە سوتتالۋشىنىڭ 3 كىشكەنتاي بالاسى بار ەكەنىن انىقتادى. ەشقانداي اۋىرلاتاتىن ءمان- جايلار بولعان جوق.

قىلمىستىق قۇقىق بۇزۋشىلىقتاردىڭ جيىنتىعى بويىنشا سوت م- دى كىنالى دەپ تانىپ، 8 جىلعا باس بوستاندىعىنان ايىرۋ جازاسىنا كەستى. سونداي- اق ول 7 جىل مەرزىمگە ازاماتتاردىڭ قاراجاتى مەن ينۆەستيتسيا تارتۋمەن بايلانىستى قىزمەتپەن اينالىسۋ، سونداي- اق كوممەرتسيالىق جانە كوممەرتسيالىق ەمەس ۇيىمداردا باسشىلىق قىزمەتتەردى اتقارۋ قۇقىعىنان ايىرىلدى.

سوت جابىرلەنۋشىلەردىڭ ازاماتتىق تالاپتارىن قاناعاتتاندىردى. ۇكىم زاڭدى كۇشىنە ەنگەن جوق.

اۆتور

زارينا تۋعانبايەۆا