س ق و-دا كوشەدە تۇندە ماس جۇرگەن 8 جاس ءوسپىرىم انىقتالدى
س ق و پوليتسيا دەپارتامەنتى باسپا ءسوز قىزمەتىنىڭ مالىمەتىنشە، 4 كۇندە پوليتسەيلەر كامەلەتكە تولماعانداردىڭ اتا-اناسىنىڭ ەرىپ ءجۇرۋىنسىز تۇندە ۇيدەن تىس جەردە بولۋىنىڭ 110 فاكتىسىن تىركەدى، ونىڭ 16 سى پەتروپاۆل قالاسى بويىنشا.
كوشەدە ماس جۇرگەن 8 جاس ءوسپىرىم انىقتالدى، 4 ۋى - وبلىس ورتالىعىنىڭ تۇرعىنى. قۇقىق بۇزۋشىلاردىڭ اتا-انالارى اكىمشىلىك جاۋاپكەرشىلىككە تارتىلدى.
قولايسىز وتباسىلار دا نازاردان تىس قالماي، تۇرعىلىقتى جەرى بويىنشا تەكسەرىلدى. پەتروپاۆلدا يۋۆەنالدى پوليتسەيلەر 60 تان استام مەكەن-جايعا باردى. وسىنداي ءۇي-ءۇيدى ارالاۋ ناتيجەسىندە الكوگولدى اسىرا پايدالاناتىن ايەل جانە قاڭعىباس 3 جاس ءوسپىرىم ەسەپكە الىندى. سولاردىڭ بىرىنە اناسىنىڭ ءوزى شارا قولدانۋدى ءوتىندى. 16 جاستاعى جاس ءوسپىرىم ۇيدەن بىرنەشە رەت ءوز ەركىمەن كەتىپ قالعان.
«ەندى ونىمەن پروفيلاكتيكالىق جۇمىس جۇرگىزىلەدى، قۇقىق بۇزۋشىلىقتار قايتالانعان جاعدايدا كامەلەتكە تولماعاندار ىستەرى جونىندەگى كوميسسيانىڭ وتىرىسىنا ماتەريال جينالۋى مۇمكىن. سونداي-اق، ءىس- شارا اياسىندا پوليتسيا قىزمەتكەرلەرى مەكتەپتەرگە سىنىپ ساعاتتارى مەن اتا-انالار جينالىستارىنا قاتىسۋ ءۇشىن كەلدى. ولار قاۋىپسىز مىنەز-قۇلىق ەرەجەلەرى تۋرالى ايتىپ، زاڭدىلىقتى بۇزعانى ءۇشىن قاراستىرىلعان جاۋاپكەرشىلىكتى ەسكە سالدى»، - دەيدى پەتروپاۆل ق. پ ب ج پ ق ءبولىمىنىڭ يۋۆەنالدى پوليتسيا بولىمشەسىنىڭ باستىعى وڭالبەك ابدىكارىموۆ.
ءىس-شارا بارىسىندا بارلىعى 176 اكىمشىلىك قۇقىق بۇزۋشىلىق انىقتالدى، ونىڭ ىشىندە كامەلەتكە تولماعان بالالاردى تاربيەلەۋدە مىندەتتەردى ورىنداماعانى ءۇشىن 46 زاڭدى وكىل جاۋاپقا تارتىلدى.