قىتاي ينجەنەرى ا ق ش- تا تىڭشىلىق جاساعانى ءۇشىن 8 جىلعا سوتتالدى

استانا. قازاقپارات - قىتاي ازاماتى ا ق ش- تا ينجەنەرلەر مەن عالىمدار تۋرالى اقپاراتتاردى جيناۋ ارقىلى قىتاي ۇكىمەتىنىڭ پايداسىنا تىڭشىلىق جاساعانى ءۇشىن 8 -جىلعا سوتتالدى، دەپ حابارلايدى قازاقپارات ءتىلشىسى، CNN گە سىلتەمە جاساپ.

31 جاستاعى جي چاوكۋن وتكەن جىلدىڭ قىركۇيەگىندە قىتايدىڭ مەملەكەتتىك قاۋىپسىزدىك مينيسترلىگىنىڭ اگەنتى رەتىندە زاڭسىز ارەكەتتەرى جانە ا ق ش ارمياسىنا جالعان كۋالىك بەرگەنى ءۇشىن سوتتالعان بولاتىن.

ادىلەت مينيسترلىگىنىڭ مالىمەتىنشە، جيگە قىتايدىڭ بارلاۋ قىزمەتىنە ا ق ش ينجەنەرلەرى مەن عالىمدارى تۋرالى ءومىرباياندىق اقپاراتتار جيناپ، ولاردى تىڭشى رەتىندە تارتۋ تاپسىرىلعان بولاتىن. جي 2016 -جىلى يللينويس تەحنولوگيالىق ۋنيۆەرسيتەتىن بىتىرگەننەن كەيىن 1 جىلدان سوڭ ا ق ش ارمياسىنىڭ رەزەرۆىنە قىزمەتكە الىنعان. ءدال وسى جايت ونىڭ امەريكادا جۇمىسقا ورنالاسۋىنا مۇمكىندىك بەرگەن.

قىزمەتكە كىرۋ بارىسىندا بەرگەن وتىنىمىندە جي سوڭعى 7 -جىلدىڭ ىشىندە شەتەلدىك ۇكىمەتتەرمەن ەشقانداي كەلىسىمشارتى بولماعاندىعى جايىندا جالعان مالىمدەمە جاساعان. ول سونىمەن قاتار قىتاي بارلاۋ قىزمەتىنىڭ قىزمەتكەرلەرىمەن قارىم- قاتىناسىن جاسىرعان.

2018 -جىلى جي قىتايدىڭ مەملەكەتتىك قاۋىپسىزدىك مينيسترلىگىنىڭ وكىلىنىڭ اتىن بۇركەمەلەگەن ا ق ش قۇقىق قورعاۋ ورگاندارىنىڭ اگەنتىمەن بىرنەشە رەت كەزدەسكەن. كەزدەسۋلەر بارىسىندا ول اسكەري كۋالىگىنىڭ كومەگىمەن «رۋزۆەلت» ساناتىنداعى ۇشاق تاسىمالداعىشقا كىرىپ، سۋرەتكە تۇسىرە الاتىندىعىن ايتقان. سونداي- اق جي ا ق ش ازاماتتىعىن العاننان كەيىن ا ق ش- تىڭ ورتالىق بارلاۋ باسقارماسىنان، فەدەرالدىق تەرگەۋ بيۋروسىنان نەمەسە NASA- دان جۇمىس ىزدەيتىندىگىن اتاپ وتكەن.

جي وتكەن جىلى ا ق ش- تىڭ بىرنەشە اۆياتسيالىق جانە اەروعارىش كومپانيالارىنىڭ كوممەرتسيالىق قۇپيالارىن ۇرلاۋ ماقساتىنداعى استىرتىن ارەكەتكە قاتىسقانى ءۇشىن 20 جىلعا سوتتالعان قىتاي مەملەكەتتىك قاۋىپسىزدىك مينيسترلىگىنىڭ تسزيانسۋ ءبولىمى ديرەكتورىنىڭ ورىنباسارى سيۋي يانتسزيۋنيانىڭ جەتەكشىلىگىمەن جۇمىس ىستەگەن. سيۋي فەدەرالدىق تەرگەۋ بيۋروسىنىڭ تىڭعىلىقتى جۇمىستارىنىڭ ناتيجەسىندە بەلگيادا ۇستالىپ، سوتقا تارتۋ ءۇشىن ا ق ش- قا ەكستراديتسيالانعان ءبىرىنشى قىتاي تىڭشىسى ەدى.