ش ق و-دا كوشى-قون زاڭناماسىن بۇزعان 8 ميگرانت انىقتالدى

None
وسكەمەن. قازاقپارات - شىعىس قازاقستان وبلىسىندا كوشى-قون زاڭناماسىن بۇزعان 8 ميگرانت جاۋاپقا تارتىلدى، دەپ حابارلايدى قازاقپارات ءتىلشىسى.

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، 1-قازاننان باستاپ ءوڭىر اۋماعىندا «ۋچاسكە» جەدەل الدىن الۋ شاراسى جۇرگىزىلۋدە. سونىڭ بارىسىندا كوشى- قون زاڭناماسىن ساقتامايتىندار، قازاقستان رەسپۋبليكاسىندا بولۋ ءتارتىبىن بۇزاتىن شەتەلدىكتەر انىقتالۋدا.

قازىرگى ۋاقىتتا پوليتسيا قىزمەتكەرلەرى 3964 پاتەردى، 3644 جەكە تۇرعىن ءۇيدى جانە 170 شارۋا قوجالىعىن ارالادى. ىشكى ىستەر ورگاندارىندا ەسەپتە تۇرعان 1,5 مىڭنان استام ادام تەكسەرىلدى.

«ناتيجەسىندە، كوشى-قون زاڭناماسىن بۇزعان 8 شەتەلدىك ازامات اكىمشىلىك جاۋاپقا تارتىلدى. سونداي-اق ەل اۋماعىندا تىركەۋسىز نەمەسە جەكە باسىن كۋالاندىراتىن قۇجاتسىز تۇرىپ جاتقان 40 قا جۋىق ادام انىقتالدى»، - دەپ حابارلادى ۆەدومستۆو وكىلدەرى.

ايتا كەتەيىك، «ۋچاسكە» شاراسى 1- قاراشاعا دەيىن جالعاسادى.

اۆتور

تالعاتجان مۇحامەتبەك ۇلى


سوڭعى جاڭالىقتار