ەل اۋماعىندا 8 مىڭنان استام ۋچاسكەدە داۋىس بەرۋ اياقتالدى

None
None
نۇر-سۇلتان. قازاقپارات - استانا ۋاقىتىمەن ساعات 20.00-دە ەلىمىزدىڭ اۋماعىندا اشىلعان 8 مىڭنان استام رەفەرەندۋم ۋچاسكەسىندە داۋىس بەرۋ اياقتالدى، دەپ حابارلايدى قازاقپارات ءتىلشىسى.

ءدال قازىرگى ۋاقىتتا ەلىمىزدىڭ 12 وڭىرىندەگى 8089 رەفەرەندۋم ۋچاسكەسى جۇمىسىن اياقتاپ، اۋماقتىق رەفەرەندۋم كوميسسياسىنىڭ مۇشەلەرى داۋىس ساناۋعا كىرىستى.

سونىمەن قاتار 10 شەت مەملەكەتتەگى قازاقستان ەلشىلىكتەرى جانىنان اشىلعان 17 ۋچاسكەدە داۋىس بەرۋ اياقتالىپ وتىر. ساعات ايىرماشىلىعىنا بايلانىستى ەلىمىزدىڭ 5 وڭىرىندە، اتاپ ايتقاندا قىزىلوردا، اقتوبە، اتىراۋ، ماڭعىستاۋ جانە باتىس قازاقستان وبلىستارىنداعى 1858 ۋچاسكەدە داۋىس بەرۋ استانا ۋاقىتىمەن ساعات 21.00-دە اياقتالادى.

ال شەتەلدەگى 48 ۋچاسكەدە ساعات ايىرماشىلىعىنا بايلانىستى داۋىس بەرۋ ءالى ءجۇرىپ جاتىر. جالپى رەسپۋبليكا بويىنشا 10012 رەفەرەندۋم ۋچاسكەسى قۇرىلعان. ونىڭ ىشىندە 52 شەت مەملەكەتتەگى 65 ۋچاسكە بار.

ايتا كەتەيىك، استانا ۋاقىتىمەن ساعات 18.00-دەگى دەرەكتەرگە سايكەس، رەسپۋبليكا

بويىنشا 7624641 ازامات بيۋللەتەن الدى. بۇل - تىزىمگە ەنگەن ازاماتتاردىڭ 65,04 پايىزى.

اۆتور: مارلان جيەمباي

سوڭعى جاڭالىقتار