قازاقستاندا ۇن باعاسى ءبىر ايدا 8 پايىزعا قىمباتتادى
2022-جىلدىڭ قاڭتار-ءساۋىر ايلارىندا ەلىمىزدە ءداندى داقىلداردان 1,2 ميلليون توننا ۇن وندىرىگەن. بۇل وتكەن جىلمەن سالىستىرعاندا 4,6 پايىزعا ارتىق. وڭىرلەر ىشىندە ءداستۇرلى تۇردە ەڭ كوپ ۇن قوستاناي وبلىسىندا ءوندىرىلدى. وندا 399,9 مىڭ توننا، جىلدىق ءوسىم 10,8 پايىزدى قۇراعان. ۇزدىك ۇشتىككە سونداي-اق سولتۇستىك قازاقستان (118 مىڭ توننا، جىلدىق ءوسىم 25,2 پايىز) جانە قاراعاندى (96,2 مىڭ توننا، -4,4 پايىز) وبلىستارى كىردى.
جالپى، 2021-جىلدىڭ قاڭتار-جەلتوقسانىندا ءوندىرىس 6,9 پايىزعا، 3,1 ميلليون تونناعا دەيىن تومەندەدى. قازاقستان ەل ىشىندەگى قاجەتتىلىكتەرىن تولىعىمەن قامتاماسىز ەتۋدە. وسىلايشا، ءبىرىنشى توقساننىڭ قورىتىندىسى بويىنشا جەرگىلىكتى كومپانيالار سۇرانىستى (ىشكى نارىقتاعى ساتۋدى قوسقاندا ەكسپورتتى) 99,5 پايىزعا قامتاماسىز ەتتى.
جالپى يمپورت 23,9 پايىزعا وسكەن، ءبىراق بۇل وسى كەزەڭدەگ ەلدە وندىرىلگەن 4,1 مىڭ توننا عانا. ال، 467,8 مىڭ توننا ۇن ەكسپورتتالدى.
بۇل وتكەن جىلمەن سالىستىرعاندا 36,4 پايىزعا ارتىق. ەكسپورتتىڭ ۇلەسى رەسۋرستاردىڭ 56,2 پايىزىن قۇرادى. 2022-جىلدىڭ قاڭتار-ناۋرىز ايلارىندا ۇن ەكسپورتى ءبىر جىلدا بىردەن 78,2 پايىزعا ءوسىپ، 172,8 ميلليون ا ق ش دوللارىن قۇرادى.
ت م د ەلدەرىنە 126 مىڭ توننا ۇن جونەلتىلگەن. بۇل وتكەن جىلمەن سالىستىرعاندا 23,8 پايىزعا ارتىق. مۇندا ەل ءونىمىنىڭ نەگىزگى يمپورتتاۋشىسى - وزبەكستان.
ۇزدىك «ۇشتىككە» سونداي-اق تۇرىكمەنستان جانە رەسەي كىردى.
ت م د- دان تىس ەلدەرگە 132,4 ميلليون ا ق ش دوللارى سوماسىنا 341,9 مىڭ توننا ۇن جونەلتىلگەن. مۇندا نەگىزگى كولەمدى اۋعانستان يمپورتتايدى.