جەڭىلدەتىلگەن اۆتونەسيە رەزەرۆىندە 8 مىڭ كولىك بار

نۇر- سۇلتان. قازاقپارات - جاز ايلارىنىڭ باسىندا جەڭىلدەتىلگەن اۆتونەسيە اياسىندا اۆتوموبيل جەتكىزۋ ارتادى. بۇل جايىندا قازاقستاننىڭ اۆتوبيزنەس قاۋىمداستىعىنىڭ وكىلى ەربول سەيپىلوۆ ءمالىم ەتتى، دەپ حابارلايدى قازاقپارات ءتىلشىسى.

«العاشقى كۇندەرى Hyundai زاۋىتى 1,8 مىڭنان استام اۆتوموبيلمەن قامتاماسىز ەتىپ، ولار بىردەن بروندالدى. تاعى دا 2,5 مىڭنان استام اۆتوموبيل جەتكىزۋ جوسپارلانىپ وتىر. شىلدەدەن باستاپ اي سايىن 4 مىڭنان استام Hyundai كولىگى جەتكىزىلەدى»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

ونىڭ اتاپ وتۋىنشە، «سارى ارقا اۆتوونەركاسىپ» زاۋىتىندا دا جاعداي وسىنداي. «سارى ارقا اۆتوونەركاسىپتە» 32 كولىك ءتۇرى بار. ولاردىڭ قازاقستانداعى اۆتوسالونداردا 4 مىڭنان استام كولىگى تۇر. زاۋىتتا تاعى 3,5 مىڭنان استام اۆتوموبيل دايىن. ماۋسىم ايىنان باستاپ 6,9 مىڭنان استام اۆتوموبيل جەتكىزىلەدى»، - دەدى ەربول سەيپىلوۆ.

ال قازاقستاننىڭ اۆتوبيزنەس قاۋىمداستىعىنىڭ ستراتەگيالىق جوسپارلاۋ جونىندەگى ديرەكتورى قايرات ەلامانوۆ قازىرگى ۋاقىتتا 8 مىڭ اۆتوموبيلدىڭ رەزەرۆتە تۇرعانىن ايتادى.

«ولاردىڭ باسىم بولىگى - Chevrolet. ويتكەنى، سوڭعى ايلاردا وسى ماركانىڭ تانىمالدىعى ارتتى. ودان كەيىنگى ورىنداردا - Hyundai, Kia, Jac, «Лада» « كولىكتەرى تۇر. اۆتوموبيل جەتكىزۋگە قاتىستى ايتار بولساق، زاۋىتتار ءوز جوسپارلارىمەن جۇمىس ىستەپ، مۇمكىندىگىنشە ءوندىرىس كولەمىن ارتتىرۋدا. جالپى، اپتا سايىن ديلەرلىك ورتالىقتارعا كولىكتەر جەتكىزىلىپ جاتىر. سوندىقتان دا رەزەرۆتەگى 8 مىڭ اۆتوموبيل بۇكىل باعدارلاماعا جاساقتالماعان. ياعني، اپتا سايىن اۆتوسالوندارعا جاڭا كولىكتەر جەتكىزىلەدى»، - دەدى ول.

اۆتور: مارلان جيەمباي