ۇيىڭىزدە بولۋ كەرەك 8 ءتۇرلى ءشوپ ءدارى
6 مامىر 10:28

ۇيىڭىزدە بولۋ كەرەك 8 ءتۇرلى ءشوپ ءدارى

نۇر- سۇلتان. قازاقپارات - قازىر مەديتسينا دامىپ، ءدارى- دارمەكتەردىڭ بارلىعى دەرلىك تابيعاتتان الىنىپ، ارنايى زەرتتەۋ ورىندارىندا وڭدەلىپ شىعادى.

وڭدەلگەن ءونىم جاعىمدى اسەر بەرىپ، مىڭداعان ادامنىڭ ءومىرىن اجال اۋىزىنان امان الىپ قالدى. دەگەنمەن ءدارىنىڭ ءبارى ءسىزدىڭ ۇيىڭىزدەن تابىلا بەرمەيدى. سالقىن ءتيىپ نەمەسە ازداپ قانا اۋرىڭقىراپ تۇرعان ساتتە ءدارىحاناعا جۇگىرىپ بارىپ، اقشانىڭ ءبارىن شاشىپ ءدارى الا بەرۋدىڭ ءوزى دۇرىس ەمەس. سوندىقتان سىزدەرگە ۇيىڭىزدە بولۋى كەرەك سەگىز ءتۇرلى ەمدىك ءشوپتىڭ ءتىزىمىن ۇسىنامىز.

1. قىرمىزى

قىرمىزى وسىمدىگىنەن تۇنبا جانە جاقپا ماي جاساۋعا بولادى. سونىمەن قاتار بۇل ەمدىك وسىمدىك ادامنىڭ ميىن تىنىشتاندىراتىن جانە باكتەريالارعا قارسى تۇراتىن قاسيەتكە يە. ايەلدەر قاۋىمى قىرمىزىنىڭ سىعىندىسىن بەت تەرىسىنە پايدالانۋىنا بولادى. بەتىڭىز تۇنىمەن بالعىن تارتىپ تۇرادى. ال قىرمىزىدان جاسالعان شايدى جاقسى كورمەيتىن ادام جوق شىعار.

2. باقباق


باقباق كوكتەمنىڭ سوڭىنا قاراي وسەدى. باقباق جارانىڭ اۋزى تەز بىتۋىنە كومەكتەسەدى. باقباقتىڭ بويىندا بولاتىن ءسۇتى كۇيىككە پايدالى. باباقتان جاسالعان شاي باۋىرداعى ۋىتتى زاتتاردى تازالايدى.

3. ىرعاي

ىرعاي جەمىسىنەن وتە كەرەمەت ءشاربات دايىنداۋعا بولادى. بۇل وسىمدىكتىڭ جەمىسى تاپتىرماس ەم. سەبەبى سۋىقتاپ قالعان كەزدە، جوتەلگەندە، تۇماۋدىڭ ۆيرۋستارىن كەتىرۋدە ونىڭ جەمىسى وتە ماڭىزدى ءرول اتقارادى. ونى ىشكەننەن كەيىن قۇرامىنداعى تابيعي كۇش يممۋنيتەتتى كوتەرەدى.

4. لاۆاندا

لاۆاندانىڭ ەفير مايى - ءاربىر ۇيدەگى ءدارى قوبديشاسىندا بولۋى كەرەك مايلاردىڭ ءبىرى. سونىمەن قاتار، بۇل مايدى تابيعي كۇيىندە پايدالانۋعا بولادى. لاۆاندانىڭ تابيعي ەفير مايى - تەرىنىڭ كۇيىپ قالعانىنا جانە ءۇسىپ قالعانىنا ەم بولادى. كۇيگەن جەرگە لاۆاندا ەفير مايىن تامىزساڭىز بولدى، كۇيگەن ورىن تەز جازىلىپ، كەيىن ورنى دا قالمايدى. جاتار الدىندا لاۆاندا مايىن يىسكەپ جاتساڭىز، دەنەڭىز بوساڭسىپ، جاقسى ۇيىقتايسىز.

5. جاۋجاپىراق نەمەسە سەرمەنە

سەرمەنە وسىمدىگىن ۇيىقتار الدىندا شايعا قوسىپ ىشسەڭىز، تۇنىمەن ميىڭىز سەرگەك بولادى. مازاسىزدىق پەن ۇيىقتاي الماۋعا اپاراتىن ءتۇرلى دەرتتىڭ الدىن الادى. سەرمەنە ءوزىنىڭ يىسىمەن دە ەرەكشە.

6. جالبىز

جالبىز ادامنىڭ جۇيە تالشىقتارىنا اسەر ەتە وتىرىپ، ادامنىڭ تىنىشتىقتا بولۋىن قامتاماسىز ەتەدى. تەك قانا ەمدىك ەمەس، جالبىز ءيىسى ادام بالاسىنىڭ وسال تۇسى. شارشاعان كەزدە جالبىز ءىشىپ الساڭىز، كەرەمەت كومەك. جالبىز اسقازان اۋىرعان كەزدە تاپتىرماس ەم.

7. سالبەن

سالبەن ەمدىك وسىمدىگى كوپ جاعدايدا وندىرىلگەن تۇرىندە پايدالانىلادى. قىزۋ كوتەرىلگەن كەزدە، تاماق ءىسىپ قابىنعان كەزدە وتە پايدالى. بۇل عانا ەمەس، ول ادامنىڭ جادىن قالپىنا كەلتىرۋگە تىكەلەي كومەكتەسەدى. سالبەننىڭ ۇنتاق ءتۇرىن ءتىس مايىنا قوسىپ، قوسپا ارقىلى پايدالانۋعا بولادى.

8. شۇيگىنشوپ

جۇيكە جۇيەسى سىر بەرىپ، ۇيقىسىز تۇندەر جالعاسا بەرسە، شۇيگىنشوپ وسىمدىگى بۇل ماسەلەنىڭ جاۋابىن تابادى. سەبەبى ونىڭ ەمدىك قاسيەتى وتە جوعارى. ءتىپتى تۇندە مولشەرىنەن كوپ پايدالانساڭىز تاڭدا ويانۋىڭىز قيىنعا سوعادى. دەنساۋلىق - زور بايلىق ەكەنىن ۇمىتپاڭىز!

Massaget.kz


جاڭالىقتار