+7 (701) 759 90 19
USD 425.95 EUR 495.12
RUB 6 CNY 66.6
جاڭالىقتار

قازاقستاننىڭ 8 وبلىسىندا كۇن رايىنا بايلانىستى ەسكەرتۋ جاريالاندى

24 قىركۇيەك 19:40
:ءبولىسۋ
قازاقستاننىڭ 8 وبلىسىندا كۇن رايىنا بايلانىستى ەسكەرتۋ جاريالاندى

نۇر-سۇلتان. قازاقپارات - 25-27- قىركۇيەك كۇندەرى ەلىمىزدىڭ ءبىرقاتار وبلىسىندا قاتتى جەل سوعادى، دەپ حابارلايدى قازاقپارات قازگيدرومەتكە سىلتەمە جاساپ.

25-27- قىركۇيەكتە جامبىل وبلىسىندا سولتۇستىك-شىعىستان سوعاتىن جەلدىڭ باعىتى وڭتۇستىك-باتىسقا اۋىسادى، وبلىستىڭ سولتۇستىك-شىعىسىندا جانە وڭتۇستىك-باتىسىندا كۇشى 15-20 م/س، 27- قىركۇيەكتە تۇندە جانە تاڭەرتەڭ ەكپىنى 23-28 م/س جەل كۇتىلەدى.

25- قىركۇيەكتە تۇندە تاۋلى جانە تاۋ بوكتەرى اۋداندارىندا 1-3 گرادۋس ۇسىك ساقتالادى.

تاراز قالاسىندا 27- قىركۇيەكتە تۇندە جانە تاڭەرتەڭ 25 م/س جەل كۇتىلەدى.

25- قىركۇيەكتە قاراعاندى وبلىسىندا شىعىستان، وڭتۇستىك-شىعىستان جەل سوعادى، كۇندىز وبلىستىڭ وڭتۇستىگىندە جانە باتىسىندا ەكپىنى 15-20 م/س جەل كۇتىلەدى. وبلىستىڭ باتىسىندا جانە وڭتۇستىگىندە توتەنشە ءورت قاۋپى ساقتالادى.

25- قىركۇيەكتە قىزىلوردا وبلىسىنىڭ ورتالىعىندا شاڭدى داۋىل كۇتىلەدى. جەل وڭتۇستىك- شىعىستان سوعادى، كۇشى تۇندە وبلىستىڭ ورتالىعىندا، كۇندىز وبلىستىڭ باسىم بولىگىندە 15-20 م/س بولادى. توتەنشە ءورت قاۋپى ساقتالادى.

25- قىركۇيەكتە تۇندە جانە تاڭەرتەڭ اقمولا وبلىسىنىڭ شىعىسىندا تۇمان كۇتىلەدى.

25- قىركۇيەكتە تۇركىستان وبلىسىنىڭ تاۋلى اۋداندارىندا جانە باتىسىندا شىعىستان جەل سوعادى، كۇشى - 15-20 م/س. وبلىستىڭ باسىم بولىگىندە توتەنشە ءورت قاۋىپى ساقتالادى.

25- قىركۇيەكتە اقتوبە وبلىسىندا وڭتۇستىك- شىعىستان جەل سوعادى، تۇندە وبلىستىڭ باتىسىندا، كۇندىز وبلىستىڭ باسىم بولىگىندە ەكپىنى 15-20 م/س جەل كۇتىلەدى.

اقتوبە قالاسىندا 25- قىركۇيەكتە سوعاتىن جەل ەكپىنى 16 م/س بولماق.

25- قىركۇيەكتە تۇندە الماتى وبلىسىنىڭ سولتۇستىگىندە، تاۋلى اۋدانداردا، تاۋ بوكتەرىندە 1-3 گرادۋس ۇسىك ساقتالادى.

تالدىقورعان قالاسىندا 25- قىركۇيەك كۇنى تۇندە 1-3 گرادۋس ۇسىك كۇتىلەدى.

25- قىركۇيەكتە اتىراۋ وبلىسىندا سولتۇستىك-باتىستان جەل سوعادى، وبلىستىڭ سولتۇستىگىندە جانە شىعىسىندا جەل ەكپىنى 15-20 م/س بولماق.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات