كوروناۆيرۋس: قازاقستاننىڭ 8 ءوڭىرى «قىزىل»، ءۇش وبلىسى «سارى» ايماقتا

نۇر-سۇلتان. قازاقپارات - قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا ەل ايماقتارىنداعى ەپيدەميولوگيالىق جاعدايدى باعالاۋ ماتريتساسىن جاريالادى، دەپ حابارلايدى قازاقپارات.

2021-جىلدىڭ 8- ساۋىرىندەگى جاعداي بويىنشا، نۇر-سۇلتان، الماتى قالالارى مەن الماتى، اقتوبە، اتىراۋ جانە باتىس قازاقستان، قارعاندى، اقمولا وبلىستارى «قىزىل» ايماقتا تۇر.

«سارى» ايماقتا شىمكەنت قالاسى، قىزىلوردا، پاۆلودار وبلىستارى ورنالاسقان. قالعان بارلىق ءوڭىر - «جاسىل» ايماقتا.

قازاقستان ەپيدەميولوگيالىق باعالاۋ ماتريتساسى بويىنشا «قىزىل» ايماققا تىركەلگەن.