+7 (701) 759 90 19
+7 °С : نۇر-سۇلتان
+14 °С : الماتى
USD 432.94 EUR 513.68
RUB 5.62 CNY 66.1
جاڭالىقتار

قازاقپارات كۇنتىزبەسى: 8- ءساۋىر

8 ءساۋىر 07:24
:ءبولىسۋ
قازاقپارات كۇنتىزبەسى: 8- ءساۋىر

نۇر-سۇلتان. قازاقپارات - قازاقپارات وقىرماندارىنا 2021-جىلعى 8-ساۋىرگە ارنالعان كۇنتىزبەسىن ۇسىنادى.

ەستە قالار وقيعالار

1990 -جىلى قاز ك س ر مەملەكەتتىك كوميسسياسى «سەلينترانسستروي» ترەسى سالعان قازىرگى نۇر-سۇلتانداعى تەمىرجول ۆوكزالىن پايدالانۋعا بەرۋ تۋرالى اكتىگە قول قويدى.

1992 -جىلى ەۋروپالىق وداق كوميسسياسى مەن قازاقستان رەسپۋبليكاسىنىڭ ۇكىمەتى اراسىندا قارجىلاندىرۋ تۋرالى مەموراندۋمعا قول قويىلدى.

1999 -جىلى ق ر پرەزيدەنتىنىڭ جارلىعىمەن اقمولا وبلىسىنىڭ ورتالىعى استانا قالاسىنان كوكشەتاۋعا كوشىرىلدى.

2005 -جىلى الماتىدا قازاقستان رەسپۋبليكاسى ۇلتتىق بانكىنىڭ «تاۋەلسىز قازاقستاننىڭ شاقالارى» اتتى فوتو كورمەسى ءوتتى.

كورمەگە قويىلعان جادىگەرلەردىڭ قاتارىندا «قىزىل كىتاپ»، «نومادتار التىنى»، «تاريحي- ساۋلەت ەسكەرتكىشتەرى»، «قازاقستاننىڭ قىزىل كىتابى»، «سپورت»، «كونە تۇركىستان» سەريالارى بويىنشا شىققان شاقالاردىڭ سۋرەتتەرى بار.

2008 -جىلى ماسكەۋدەگى قازاقستان ەلشىلىگىندە «رەسەيدەگى قازاقتار» كىتابىنىڭ تانىستىرىلىمى ءوتتى.

حرونولوگيالىق قاعيدا بويىنشا قۇراستىرىلعان ەكى تومدىق جيناققا 600 دەن استام ءومىرباياندىق انىقتامالار ەنگىزىلىپ وتىر. مۇراعات ماتەريالدارىنا، انىقتامالىق-ەنتسيكلوپەديالىق ادەبيەتكە، جەكە ساۋالدارعا نەگىزدەلگەن بۇل كىتاپتا ءار جىلدارى رەسەيدە تۇرعان، سونداي-اق قازىر دە سوندا تىرشىلىك كەشىپ جاتقان ۇلتى قازاق ايرىقشا تۇلعالار تانىستىرىلادى.

كىتاپ ناقتى ءبىر ادامنىڭ تاعدىرى ارقىلى جاڭا داۋىردە قازاقستان مەن رەسەي اۋماقتارىندا ورىن العان تاريحي جانە كوشى-قون ۇدەرىستەرىن قاداعالاۋعا مۇمكىندىك بەرەدى. جوعارىدا اتالعان ۇدەرىستەردىڭ بارىسىندا رەسەيدە قوماقتى قازاق دياسپوراسى قالىپتاسىپ، بۇگىندە وندا 1 ميلليوننان استام قازاق تۇرىپ جاتىر.

2010 -جىلى تەل-اۆيۆتە وتاندىق مادەنيەت تاريحىندا العاش رەت باعدارلاماسى تولىقتاي قازاق كومپوزيتورلارىنىڭ تۋىندىلارىنان قۇرالعان يزرايل سيمفونيالىق وركەسترىنىڭ كونسەرتى ءوتتى.

2010 -جىلى الماتىدا قازاق، ورىس، اعىلشىن تىلدەرىندە قاتار جارىق كورگەن «ابايدىڭ قارا سوزدەرى» كىتابىنىڭ تۇساۋكەسەر ءراسىمى ءوتتى. اباي ەڭبەگىن ورىس تىلىنە اۋدارعان كلارا سەرىكبايەۆا. ال اعىلشىن تىلىنە تۇركىتانۋشى ريچارد ماككەين اۋداردى.

كىتاپتى شىعارۋداعى باستى ماقسات - قازاقتىڭ ۇلى اقىنى ابايدىڭ شىعارمالارىن الەمگە تانىستىرۋ. اتالمىش كىتاپتى «حالىقارالىق اباي كلۋبى» قوعامدىق بىرلەستىگى 4000 دانامەن شىعاردى.

2011 -جىلى استاناداعى تاۋەلسىزدىك سارايىندا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتى ۇلىقتاۋ سالتاناتى ءوتتى. وندا ەلباسى قازاقستان حالقىنا انت بەرىپ، وعان ق ر پرەزيدەنتىنىڭ كۋالىگى تابىستالدى.

2014-جىلى شىعىس قازاقستان وبلىسىنىڭ زىريان جانە اياگوز قالالارى اۋداندىق ماڭىزى بار قالالار ساناتىنا جاتقىزىلدى. ءتيىستى جارلىققا مەملەكەت باسشىسى نۇرسۇلتان نازاربايەۆ قول قويدى.

2016 -جىلى قازاقستاننىڭ ۇلتتىق مۋزەيىندە «ماسكەۋ تەڭگە سارايىنىڭ كۇمىس ماركالارىنداعى مەككە» اتتى بىرەگەي كورمە اشىلدى. ءتۇپنۇسقا الەمنىڭ 24 يسلام ەلى شىعارعان پوشتا ماركالارى بولدى: اۋعانستان، الجير، يران، يراك، يوردانيا، كۋۆەيت، ليۆيا، مالايزيا، ساۋد ارابياسى، ب ا ءا، سيريا جانە باسقالارى.

قاسيەتتى مەككەگە ارنالعان 40 ماركادان تۇراتىن كوللەكتسيانىڭ ۇلگىلەرى ەكسكليۋزيۆتى تەحنولوگيا بويىنشا 999 سىنامالى كۇمىستەن جاسالعان.

2017 -جىلى قازاقستاندىق دزيۋدوشىلار وتگونتسەتسەگ گالبادراح (48 كەلى) پەن عۇسمان قىرعىزبايەۆ (60 كەلى) انتاليادا وتكەن حالىقارالىق Grand Prix تۋرنيرىندە ەكى التىن مەدالعا قول جەتكىزدى. جارىسقا 34 مەملەكەتتەن 252 سپورتشى قاتىسقان بولاتىن.

2019 -جىلى سەلينوگراد اۋدانىنىڭ اقمول اۋىلىنداعى «رۋحاني جاڭعىرۋ» مادەنيەت جانە دەمالىس ساياباعىندا «ۇلى دالانىڭ ۇلى ەسىمدەرى» داڭق اللەياسىنىڭ سالتاناتتى اشىلۋى بولىپ ءوتتى.

اللەيادا كۇلتەگىن، قوجا احمەت ياساۋي، تانىمال مەملەكەتتىك قايراتكرلەر تاۋكەن حان، ابىلاي حان، سۇلتان بەيبارىس، كەنەسارى قاسىموۆ، تولە ءبي، قازىبەك ءبي، ايتەكە ءبي، اتاقتى عالىمدار ءال-فارابي، شوقان ءۋاليحانوۆ، جازۋشى، اقىن شاكارىم قۇدايبەردى ۇلى، جامبىل جابايەۆتىڭ پورترەتتەرى ورناتىلعان.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات