ايەلدەر قۇقىعى ءۇشىن كۇرەس: 8-ناۋرىز - حالىقارالىق ايەلدەر كۇنى
بيىلعى مەرەكە العاش رەت كوروناۆيرۋسقا قارسى كارانتين شەكتەۋلەرىمەن تۇسپا- تۇس كەلىپ وتىر. اتاۋلى كۇننىڭ تاريحى ايەلدەر قۇقىعى ءۇشىن كۇرەسپەن تىكەلەي بايلانىستى. 1857 -جىلى 8 -ناۋرىزدا نيۋ- يوركتە جۇمىسشى ايەلدەر مانيفەستكە جينالدى. ولار 10 ساعاتتىق جۇمىس كۇنىن، جارىق ءارى قۇرعاق جۇمىس ورىندارىن، ەر ادامدارمەن بىردەي جالاقى مولشەرىن تالاپ ەتكەن ەدى. ايەلدەر سول كەزدەرى 16 ساعات تەر توككەن ەڭبەكتەرىنە وتە از جالاقى الاتىن. ال 1910 -جىلى كوپەنگاگەندەگى سوتسياليست ايەلدەردىڭ حالىقارالىق كونفەرەنتسياسىندا گەرمان جانە حالىقارالىق جۇمىسشى قوزعالىسىنىڭ قايراتكەرى كلارا سەتكيننىڭ ۇسىنىسىمەن ناۋرىزدىڭ 8 ءىن حالىقارالىق ايەلدەر كۇنى رەتىندە اتاپ ءوتۋ شەشىمى قابىلداندى.
1914 -جىلدان كەيىن بىرنەشە ەلدە 8-ناۋرىز ايەلدەر مەرەكەسى رەتىندە اتالاتىن بولدى. بۇل كۇن - ايەلدەر قۇقىن قورعاۋ جانە حالىقارالىق بەيبىتشىلىك كۇنى. بىرىككەن ۇلتتار ۇيىمى 1975 -جىلدى حالىقارالىق ايەلدەر جىلى دەپ جاريالاپ، سول جىلعى ناۋرىزدىڭ 8 ىنەن باستاپ ايەلدەر قۇقىن قورعاۋ جانە حالىقارالىق بەيبىتشىلىك كۇنىن وتكىزە باستادى. قازاقستان رەسپۋبليكاسىندا دا بۇل مەرەكەگە اسا ءمان بەرىلىپ، وسى كۇنى ەلوردا مەن بارلىق وبلىستاردا مەرەكەلىك شارالار ۇيىمداستىرىلادى. بيىل 8-ناۋرىز - حالىقارالىق ايەلدەر كۇنى مەرەكەسى دۇيسەنبىگە تۋرا كەلەدى. سايكەسىنشە قازاقستاندىقتار سەنبى، جەكسەنبى جانە دۇيسەنبىدە دەمالادى.