09:30, 07 - ناۋرىز 2021 | GMT +6
قىتايمەن شەكاراداعى «نۇر جولى» باقىلاۋ- وتكىزۋ بەكەتى 8-ناۋرىزدا جۇمىس ىستەمەيدى
نۇر-سۇلتان. قازاقپارات - قىتايمەن شەكاراداعى «نۇر جولى» باقىلاۋ- وتكىزۋ بەكەتى 2021 -جىلدىڭ 8-ناۋرىزى كۇنى جۇمىس ىستەمەيدى، دەپ حابارلايدى ق ر قارجى مينيسترلىگىنىڭ باسپا ءسوز قىزمەتى.
شەكتەۋلەر قازاقستان رەسپۋبليكاسىندا حالىقارالىق ايەلدەر كۇنىنىڭ تويلانۋىمەن بايلانىستى.
اتاپ ايتقاندا، سول كۇنى ازاماتتار، كولىك قۇرالدارى جانە جۇك مەملەكەتتىك شەكارا ارقىلى وتكىزىلمەيدى. مينيسترلىك تاسىمالداۋشىلاردان جانە شەكارادان ءوتۋدى ويلاعان بارلىق ازاماتتارعا شەكتەۋ شارالارىن ەسكەرە وتىرىپ، ءوز باعدارلارىن الدىن-الا جوسپارلاۋدى سۇرايدى.