قىتايدا 8 ايدا العاش رەت كوروناۆيرۋس جۇقتىرعان ادام ءولىمى تىركەلدى
تاۋلىگىنە ەلدە 138 جاعداي تىركەلدى جانە 78 ادامنان اۋرۋ بەلگىلەرى بايقالماعان، - دەپ حابارلايدى ريا نوۆوستي.
قىتاي ەپيدەميولوگيالىق جاعدايدى ايتارلىقتاي جاقسى باقىلاۋعا العان ەل ەدى. 2020 -جىلعى مامىردىڭ ورتاسىنان بەرى COVID-19 جۇقتىرىپ، اۋىرىپ قايتىس بولعان جاعداي تىركەلمەدى. الايدا سوڭعى ۋاقىتتا ەلدىڭ ءبىرقاتار ايماعىندا ۆيرۋستى جۇقتىرۋ سانى كوبەيدى.
ق ح ر دەنساۋلىق ساقتاۋ ماسەلەلەرى جونىندەگى مەملەكەتتىك كوميتەتتىڭ حابارلاماسىنا سايكەس، ناۋقاستىڭ ءولىمى حىبي پروۆينسياسىندا تىركەلگەن. بۇل ايماقتا قاڭتاردىڭ باسىندا جاڭا جاعدايلاردىڭ سانى كۇرت ارتقان ەدى. قازىر شيجياجۋان قالاسىندا جاعداي تىم اۋىر. بۇل ءوڭىر ەپيدەميولوگيالىق قاۋپى جوعارى ايماق دەپ جاريالاندى.
جاڭادان تىركەلگەن 138 جاعدايدىڭ 14 ى سىرتتان كەلگەندەردەن، 124 ى جەرگىلىكتى تۇرعىنداردان انىقتالعان. 81 ى حىبي پروۆينسياسىندا، 43 جاعداي حيلۋڭجياڭ پروۆينسياسىندا تىركەلدى.
ەپيدەميا باسىنان بەرى قۇرلىقتىق قىتايدا 87744 جاعداي تىركەلدى. 82324 ادام ەمدەلىپ شىقتى، 885 ناۋقاس اۋرۋحانالاردا جاتىر. شەتەلدەن كەلگەن 4465 جاعداي انىقتالىپ، ونىڭ 4181 ى جازىلدى.
kaz.tengrinews.kz