+7 (701) 759 90 19
3 °С : نۇر-سۇلتان
9 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

قازاقستاننىڭ 8 وبلىسىندا اۋا رايىنا بايلانىستى ەسكەرتۋ جاريالاندى

18 قىركۇيەك 11:29
:ءبولىسۋ
قازاقستاننىڭ 8 وبلىسىندا اۋا رايىنا بايلانىستى ەسكەرتۋ جاريالاندى

نۇر-سۇلتان. قازاقپارات - «قازگيدرومەت» ر ك م-سى قازاقستاننىڭ 8 وبلىسىندا اۋا رايىنا بايلانىستى ەسكەرتۋ جاريالادى، دەپ حابارلايدى قازاقپارات.

بۇگىن، ياعني 18-قىركۇيەكتە اقمولا وبلىسىنىڭ كەي جەرلەرىنە بۇرشاق جاۋۋى مۇمكىن. تۇندە جانە تاڭەرتەڭ كەي جەرلەرگە تۇمان ءتۇسۋى ىقتيمال. سولتۇستىك- باتىستان جەل سوعىپ، جىلدامدىعى كەي جەرلەردە سەكۋندىنا 15-20 مەترگە، تۇندە جانە تاڭەرتەڭ ەكپىنى 23 مەترگە جەتەدى دەگەن بولجام بار.

نۇر- سۇلتان قالاسىندا تۇندە جانە تاڭەرتەڭ سولتۇستىك- باتىستان جەل سوعىپ، ەكپىنى سەكۋندىنا 15-20 مەترگە دەيىن جەتەدى. اۋا رايىنا بايلانىستى ەسكەرتۋدىڭ دالدىگى %85-90. ماڭعىستاۋ وبلىسىنىڭ كەي جەرلەرىندە كۇندىز شاڭدى داۋىل تۇرىپ، شىعىستان، وڭتۇستىك- شىعىستان، سوققان جەلدىڭ جىلدامدىعى سەكۋندىنا كەي جەرلەردە 15-20 مەترگە جەتەدى.

اقتاۋدا كۇندىز شىعىستان، وڭتۇستىك- شىعىستان جەل سوعىپ، ەكپىنى 18 م/س بولادى. اۋا رايى بولجامىنىڭ ىقتيمالدىلىعى %90-95.

ال قىزىلوردا وبلىسىندا ءورت ءقاۋپى ساقتالادى. اۋا رايى بولجامىنىڭ دالدىگى %90-100. شىعىس قازاقستان وبلىسىنىڭ كەي جەرلەرىندە نايزاعاي ويناپ، وڭتۇستىك- باتىس، باتىستان سوققان جەلدىڭ جىلدامدىعى سەكۋندىنا 15-20 مەتر، ەكپىنى 23 مەترگە جەتەدى. وسكەمەندە ءجان سەمەيدە سەكۋندىنا 15-20 مەتر جىلدامدىقپەن جەل سوعادى.

تۇركىستان وبلىسىنىڭ كەي جەرلەرىندە 18-قىركۇيەكتە تۇندە شاڭدى داۋىل تۇرىپ، باتىستان سوعاتىن جەلدىڭ كۇشى 15-20 م/س بولادى. اۋا رايى بولجامىنىڭ ىقتيمالدىلىعى %90-95. قوستاناي وبلىسىنىڭ كەي جەرلەرىنە تۇمان تۇسەدى. سولتۇستىك- باتىستان، باتىستان جەل سوعىپ، كۇشى كەي جەرلەردە سەكۋندىنا 15-20 مەترگە جەتەدى.

اۋا رايى بولجامىنىڭ ىقتيمالدىلىعى 90-95%. قاراعاندى وبلىسىنىڭ كەي جەرلەرىندە تۇمان تۇسەدى. وڭتۇستىك- باتىستان، باتىستان جەل سوعىپ، كەي جەرلەردە جىلدامدىعى سەكۋندىنا 15-20 مەتر، تۇندە ەكپىنى 23 مەتر بولادى.

قاراعاندىدا باتىستان جەل سوعىپ، ەكپىنى 18 م/س بولادى. اۋا رايى بولجامىنىڭ ىقتيمالدىلىعى %70-75. 18-19-قىركۇيەكتە سولتۇستىك قازاقستان وبلىسىنىڭ كەي جەرلەرىندە تۇندە جانە تاڭەرتەڭ تۇمان تۇسەدى. سولتۇستىك-باتىستان سوعاتىن جەل وڭتۇستىك- باتىسقا قاراي ويىسادى، كەي جەرلەردە كۇشى سەكۋندىنا 15-20 مەترگە جەتەدى.

پەتروپاۆلدا 18-19-قىركۇيەكتە سولتۇستىك- باتىستان جەل سوعىپ، وڭتۇستىك-باتىسقا قاراي ويىسادى، ەكپىنى 15-20 م/س بولادى. اۋا رايى بولجامىنىڭ ىقتيمالدىلىعى %90-95.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات