ەلوردادا 8 مىڭ ۇلەسكەر بيىل پاتەرلەرىنىڭ كىلتىن الادى
«ءاربىر ۇلەستىك قۇرىلىس نىسانى بويىنشا جۇمىستار اتقارىلىپ جاتىر. ۇلەستىك قۇرىلىس - كۇردەلى ماسەلەنىڭ ءبىرى. كەي ۇيلەردە قازانشۇڭقىر عانا بولسا، كەيبىرەۋىنىڭ ءۇي قاڭقاسى عانا بار. ءبىراق ءاربىر نىسان بويىنشا قادامدىق ءىس-شارالار جوسپارى بار. بۇگىن، «قورعالجىن ورامى»، «تريۋمف ەسىل-2»، «تۇران سىعاناق» نىساندارىنا باردىم. ينۆەستورلار انىقتالدى. «قورعالجىن ورامىندا» قۇرىلىس جۇمىستارى قايتا باستالدى. قالعان ەكى ۇيدە قۇرىلىس جۇمىستارى كەلەسى ايدا، شارتتارعا قول قويىلعاننان كەيىن باستالادى»، - دەدى ەلوردا اكىمى.
نۇر-سۇلتان قالاسى اكىمدىگىنىڭ Facebook پاراقشاسىندا جاريالانعان اقپاراتقا قاراعاندا، بيىل وتكەن جىلمەن سالىستىرعاندا ەكى ەسە كوپ ءۇي سالىنىپ، پايدالانۋعا بەرىلەتىن بولادى.
8 مىڭ ۇلەسكەرى بار 20 ءۇيدىڭ تۇرعىندارى ءوز پاتەرلەرىنە كىرىپ، تۇرعىن ءۇي قۇجاتتارىن الادى.