قازاقستاندىقتار ناۋرىز مەيرامىن 8 كۇن بويى تويلاۋى مۇمكىن
عالىمدار مەن قوعام بەلسەندىلەرى وسىنداي ويدى ۇسىندى، دەپ حابارلايدى «Qazaqstan» ارناسى.
«رۋحاني جاڭعىرۋ» باعدارلاماسى اياسىندا قۇرىلعان «ازاماتتىق الاڭ» پىكىرتالاس كلۋبىنىڭ العاشقى وتىرىسىندا وسى ماسەلە جان-جاقتى تالقىلاندى.
ۇلىق مەرەكەنى ناۋرىزدىڭ 14-نەن 22-نە دەيىن تويلاپ ارقىلى ونىڭ ماڭىزدىلىعىن ارتتىرا تۇسەمىز، دەيدى زيالى قاۋىم.
«سوڭعى جىلدارى بۇقارالىق سيپاتتان اجىراپ، ساحنالىق كيىپكە ەنىپ، ازداعان جۇرتشىلىقتىڭ قىزىقتاۋىنا اينالعان ءبىر فالكلورلىق قويىلىم كورىنىسىنەن اسپاۋدا. مەرەكەلىك كوڭىل- كۇيدى 31 جەلتوقسان - جاڭا جىل مەرەكەسىنەن ۇلىستىڭ ۇلى كۇنىنە اۋدارساق دەگەن ماقساتپەن ۇسىنىپ وتىرمىز. جانە ناۋرىز مەرەكەسىن بۇقارالىق تويلانۋىن ارتتىرساق دەگەن ويمەن»، - دەدى «رۋحاني جاڭعىرۋ» قازاقستاندىق قوعامدىق دامۋ ينستيتۋتىنىڭ باسقارما ءتوراعاسى كەمەلبەك ويشىبايەۆ.
سونداي-اق، شارا بارىسىندا اتالعان باعدارلامانىڭ جۇمىسىن جۇرتشىلىققا باياندايتىن جاڭا ەلشىلەر تانىستىرىلدى.