يراندا كوروناۆيرۋستان 8 ادام قايتىس بولدى
بۇل تۋرالى ي ي ر دەنساۋلىق ساقتاۋ مينيسترلىگىنىڭ وكىلى كيانۋش دجاحانپۋر مالىمدەدى، دەپ حابارلايدى قازاقپارات ي ر ن ا- عا سىلتەمەمەن.
ونىڭ ايتۋىنشا، 23- اقپانداعى جاعداي بويىنشا دەرتتى جۇقتىرعاندار سانى 43 ادامدى قۇراپ وتىر.
«جاڭا 15 ادام اۋرۋ جۇقتىردى. ونىڭ جەتەۋى كۋم، تورتەۋى تەگەران، ەكەۋى گيليان، بىرەۋى ماركازي پروۆينتسياسىندا جانە تاعى ءبىر ادام تونكابوندا ۆيرۋستى جۇقتىرعان»، - دەپ حابارلايدى دجاحانپۋر.
ايتا كەتەيىك، كوروناۆيرۋس دەرتى 2019-جىلعى جەلتوقسان ايىندا قىتايدىڭ ادامدار ەڭ تىعىز ورنالاسقان ۋحان قالاسىندا تارادى. بۇل قالادا 12 ميلليون تۇرعىن بار. دۇنيەجۇزىلىك دەنساۋلىق ساقتاۋ ۇيىمى ونى حالىقارالىق ماسشتابتاعى جاعداي دەپ باعالادى.
قىتايدان تىس 27 مەملەكەتتە ادامدار كوروناۆيرۋس جۇقتىرعان. ولاردىڭ ىشىندە يران دا بار.
وسى كۇنگە دەيىن الەمدە بۇل ىندەتتەن 2463 ادام اجال قۇشتى، ال 78000 ادام كوروناۆيرۋستى جۇقتىرعان.