+7 (701) 759 90 19
9 °С : نۇر-سۇلتان
19 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

چەمپيوندار ليگاسى: جارىستى جالعاستىراتىن 8 كوماندا انىقتالدى

11 جەلتوقسان 08:16
:ءبولىسۋ
چەمپيوندار ليگاسى: جارىستى جالعاستىراتىن 8 كوماندا انىقتالدى

نۇر-سۇلتان. قازاقپارات - بۇگىن فۋتبولدان UEFA چەمپيوندار ليگاسى توپتىق كەزەڭىندەگى سوڭعى تۋرىنىڭ العاشقى كۇنگى ويىندارى ءوتتى، دەپ حابارلايدى قازاقپارات ءتىلشىسى.

بۇدان بۇرىن انگليانىڭ «ليۆەرپۋل» جانە يتاليانىڭ «ناپولي» كوماندالارى جارىستىڭ كەلەسى ساتىسىنا جولداما العانىن حابارلاعان ەدىك.

ەندى ولاردىڭ قاتارىنا تاعى 6 كوماندا قوسىلدى. سولاردىڭ ءبىرى - F توبىنداعى يسپانيانىڭ «بارسەلونا» كومانداسى بۇگىن سىرت الاڭدا يتاليانىڭ «ينتەرىمەن» كەزدەستى.

ايتا كەتەرلىگى، يسپاندىق كلۋب جارىستىڭ كەلەسى ساتىسىنا بەرىلەتىن جولدامانى ءبىر تۋر بۇرىن قالتاعا باسىپ قويدى. سوعان قاراماستان سوڭعى تۋردا جەڭىسكە جەتۋ جولىن ىزدەدى.

ولاردىڭ قاتارىنان 23-مينۋتتا كارلەس سايول ەسەپ اشقان ەدى. وعان 44-مينۋتتا «ينتەر» شابۋىلشىسى رومەلۋ لۋكاكۋ ءبىر گولمەن جاۋاپ قايىردى.

«بارسەلونا» ساپىنان 86-مينۋتتا انسۋمانە فاتي مەرگەندىك تانىتتى. كەزدەسۋ بارىسىندا يسپاندىق كلۋب 2:1 ەسەبىمەن جەڭىسكە جەتتى.

اتالمىش توپتاعى گەرمانيانىڭ «بورۋسسيا» (دورتمۋند) كلۋبى ءوز الاڭىندا چەحيانىڭ «سلاۆيا» كومانداسىن 2:1 ەسەبىمەن تىزە بۇكتىردى. اتالمىش توپتان «بارسەلونا» مەن «بورۋسسيا» 1/8 فينالعا شىقتى. سونداي-اق، بۇگىن H توبىندا انگليانىڭ «چەلسي» كلۋبى ءوز الاڭىندا فرانتسيانىڭ «ليلل» كومانداسىمەن كەزدەستى.

بۇل ويىندا اعىلشىندىق كلۋب ساپىنان 19-مينۋتتا تەممي ابراحام ەسەپ اشسا، 35-مينۋتتا سەسار اسپيليكۋەتا ەسەپتى ۇلعايتا ءتۇستى. ال 78-مينۋتتا «ليلل» ويىنشىسى لويك رەسمي ەسەپ ايىرماسىن قىسقارتتى.

ويىندا «چەلسي» قارسىلاسىنان 2:1 ەسەبىمەن باسىم ءتۇستى. گوللانديانىڭ «اياكس» كلۋبى ءوز الاڭىندا يسپانيانىڭ «ۆالەنسيا» كومانداسىنان 0:1 ەسەبىمەن جەڭىلىپ قالدى. بۇل توپتا «ۆالەنسيا» مەن «چەلسي» جارىستى جالعاستىراتىن بولدى.

G توبىندا ءوز الاڭىندا پورتۋگاليانىڭ «بەنفيكاسى» رەسەيدىڭ «زەنيتىن» 3:0 ەسەبىمەن تىزە بۇكتىرسە، فرانسيانىڭ «ليونى» مەن گەرمانيانىڭ «لەيپتسيگى» 2:2 ەسەبىمەن تەڭ وينادى. بۇل توپتان «لەيپتسيگ» پەن «ليون» جارىستىڭ كەلەسى ساتىسىنا شىقتى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات