ق ر ءى ءى م 8 ادام اجال قۇشقان « قىزىلوردا- قۇمكول» جولىنداعى اپات جايىندا مالىمەت بەردى

نۇر- سۇلتان. قازاقپارات – ق ر ءى ءى م اكىمشىلىك پوليتسيا كوميتەتى ءتوراعاسىنىڭ ورىنباسارى جانات ءابدىراحمانوۆ 8 ادام اجال قۇشقان « قىزىلوردا- قۇمكول» جولىنداعى اپات جايىندا مالىمەتتەرمەن ءبولىستى، دەپ حابارلايدى قازاقپارات ءتىلشىسى.

«جول- كولىك اپاتى تاڭعى ساعات 5 شاماسىندا « قىزىلوردا- قۇمكول» اۆتوجولىندا ورىن الدى. قازىرگى ۋاقىتتا 8 ادام قازا تاۋىپ، 21 ادام زارداپ شەككەن»، - دەدى ول ۇكىمەت وتىرىسى اياسىندا ب ا ق وكىلدەرىنىڭ ساۋالىنا وراي.

ونىڭ اتاپ وتۋىنشە، جول تايعاق بولعاندىقتان اۆتوبۋس جۇرگىزۋشىسى رولگە يە بولا الماي قالعان. سونىڭ سالدارىنان اۆتوبۋس اۋدارىلعان.

«قازىرگى ۋاقىتتا تەرگەۋ ورگاندارى جۇمىس ىستەپ جاتىر. قوسىمشا اقپاراتتاردى حابارلايمىز. اۆتوتەحنيكالىق ساراپتاما جۇرگىزىلەدى. جەدەل تەرگەۋ توبى مەن جول- تەحنيكالىق ينسپەكسيا جۇمىس ىستەپ جاتىر. توتەنشە جاعدايلار قىزمەتكەرلەرى تاس جولدى تەكسەرۋدە. ول شىمكەنتتە تىركەلگەن مۇناي كومپانياسىنىڭ ۆەدومستۆولىق اۆتوبۋسى، قۇمكولدە جۇمىس ىستەگەن»، - دەدى جانات ءابدىراحمانوۆ.

اۆتور: مارلان جيەمباي