تەمەكىدەن جىل سايىن 8 ميلليون ادام كوز جۇمادى
«تەمەكى شەگۋدەن ميلليونداعان ادام وكپە وبىرىمەن، تۋبەركۋلەزبەن، دەمىكپەمەن نەمەسە وكپەنىڭ سوزىلمالى اۋرۋلارىمەن اۋىرادى. تەمەكى شەگۋ - بۇل جۇرەك-قان تامىرلارى اۋرۋلارىنىڭ (ينفاركت، ينسۋلت)، ەرلەردە ەرەكتيلدى ديسفۋنكتسيا، تەرىنىڭ ەرتە قارتايۋى، سونداي-اق جۇكتىلىكتىڭ قولايسىز ناتيجەسى جانە جۇكتى ايەلدەردە بولاشاق بالانىڭ دەنساۋلىعى ءۇشىن تاۋەكەل فاكتورى»، - دەلىنگەن باسپا ءسوز حابارلاماسىندا.
تەمەكى شەگۋ - برونح-وكپە، ونكولوگيالىق جانە باسقا دا سوزىلمالى اۋرۋلاردىڭ قاۋىپتى فاكتورلارىنىڭ ءبىرى.
«تەمەكى شەگۋدەن باس تارتقاننان كەيىن 1-9 اي ىشىندە جوتەل مەن ەنتىگۋ ازايادى. 10 جىلدان كەيىن سىزدە وكپە وبىرىنىڭ دامۋ قاۋپى شىلىم شەگۋشىگە ارنالعان وسىنداي تاۋەكەلمەن سالىستىرعاندا ەكى ەسە تومەندەيدى، سونداي-اق سىزدە اۋىز قۋىسى، تاماق، وڭەش، قۋىق، جاتىر موينى جانە ۇيقى بەزى وبىرىنىڭ دامۋ قاۋپى تومەندەيدى. 15 جىلدان كەيىن جۇرەكتىڭ يشەميالىق اۋرۋىنىڭ دامۋ قاۋپى تەمەكى شەكپەيتىن ادامنىڭ قاۋىپ دەڭگەيىنە دەيىن تومەندەيدى»، - دەيدى ماماندار.
سونداي-اق، ادام تەمەكى شەگۋدەن باس تارتسا، زيان ادەتپەن بايلانىستى دەنساۋلىقتاعى پروبلەمالار دامۋىن توقتاتىپ، يمپوتەنتسيا ىقتيمالدىعىن، جۇكتىلىك، مەرزىمىنەن بۇرىن بوسانۋ، دەنە سالماعى تومەن بالالاردىڭ تۋىلۋى مەن تۇسىك تاستاۋ ماسەلەلەرىن تومەندەتەدى.