+7 (701) 759 90 19
-18 °С : نۇر-سۇلتان
6 °С : الماتى
USD 387.14 EUR 428.18
RUB 6.06 CNY 55.23
جاڭالىقتار

قازاقپارات كۇنتىزبەسى: 8- قاراشا

8 قاراشا 07:31
:ءبولىسۋ
قازاقپارات كۇنتىزبەسى: 8- قاراشا

نۇر-سۇلتان. قازاقپارات - قازاقپارات وقىرماندارىنا 2019-جىلعى 8- قاراشاعا ارنالعان كۇنتىزبەسىن ۇسىنادى.

قازاقستاندا ستاتيستيكا كۇنى

1920-جىلى قازاقستاندا ءبىرىڭعاي ستاتيستيكالىق ورگاندار قۇرىلۋىنا ورايلاستىرىلعان.

حالىقارالىق راديولوگتار كۇنى

2012-جىلدان بەرى تويلانادى. بۇل ەۋروپا راديولوگتار قوعامىنىڭ، سولتۇستىك امەريكا راديولوگتار قوعامىنىڭ جانە امەريكا راديولوگيا كوللەدجىنىڭ ورتاق يدەياسى بولدى. ونى ءدال وسى كۇنى اتاپ ءوتۋ 1895-جىلى رەنتگەن ساۋلەسىنىڭ اشىلۋىمەن بايلانىستى.

دۇنيەجۇزىلىك قالا قۇرىلىسى كۇنى

حالىققا بارلىق كەرەگى قامتاماسىز ەتىلگەن جايلى كەڭىستىك رەتىندە قالا قۇرىلىسىن دامىتۋعا ارنالعان. مەرەكە 1949-جىلى بەلگىلەندى.

ەستە قالار وقيعالار

1920-جىلى قىرعىز (قازاق) ا س س ر حالىق كوميسسارلارى كەڭەسى «قىرعىز ا س س ر مەملەكەتتىك ستاتيستيكا تۋرالى ەرەجەنى» بەكىتتى. سول جىلى قازاق ا س س ر ستاتيستيكا باسقارماسى قۇرىلدى. كەيىن، 1948-جىلى قازاق س س ر مينيسترلەر كەڭەسى جانىنان ستاتيستيكا باسقارماسى قۇرىلدى.

1997-جىلى الماتىداعى پرەزيدەنت رەزيدەنتسياسىندا قازاقستان رەسپۋبليكاسىنىڭ مەملەكەتتىك رامىزدەرى مەن پرەزيدەنت بايراعىن اقمولا قالاسىنا (قازىرگى نۇر-سۇلتان قالاسى) شىعارىپ سالۋ سالتاناتى ءوتتى. 2002-جىلى قازاقستان رەسپۋبليكاسى ۇكىمەتىنىڭ 1186№ قاۋلىسىنا سايكەس قاز ا ا گ نەگىزىندە «قازاق اقپارات اگەنتتىگى» ۇلتتىق كومپانياسى («قازاقپارات» ۇ ك) قۇرىلدى.

2004-جىلى قازاقستان رەسپۋبليكاسى سىرتقى ىستەر مينيسترلىگىندە شاڭحاي ىنتىماقتاستىق ۇيىمىنا مۇشە مەملەكەتتەردىڭ ەلشىلەرى كلۋبىنىڭ العاشقى وتىرىسى ءوتتى. وندا ش ى ۇ حاتشىلىعى، ۇلتتىق ۇيلەستىرۋشىلەر كەڭەسى جانە قازاقستاندا تىركەلگەن ەلشىلىكتەر جانىنداعى تۇراقتى وكىلدەر اراسىنداعى ءوزارا ءىس-قيمىل ماسەلەلەرى قارالدى.

2011-جىلى تمد ەلدەرىنىڭ اراسىندا العاش رەت قازاقستاندا قازاق تەلەۆيزيا ەنتسيكلوپەدياسى جارىق كوردى. وندا تەك وتاندىق تەلەكومپانيالار تۋرالى عانا ەمەس، الىس-جاقىن شەتەلدەردە ءار جىلداردا ەفيرگە شىققان تانىمال تەلەۆيزيالىق باعدارلامالار جايى دا ايتىلادى.

2013-جىلى ەلوردالىق «استانا وپەرا» تەاترىنىڭ ءانشىسى سالتانات احمەتوۆا گەرمانيادا وتكەن Neue Stimmen ءىرى ۆوكالشىلار كونكۋرسىنىڭ بىرىندە فينالعا ءوتىپ، «Klassik Herbst in Gutersloh' Forderpreis» («گيۋتەرسلوداعى كلاسسيكالىق كۇز») جۇلدەسىن ۇتىپ الدى. بۇل كونكۋرسقا ءبىر جارىم مىڭعا جۋىق ادام ءوتىنىم بەرگەن، سونىڭ ىشىندە بارلىعى 40 ادام وتكەن. فينالعا تەك 9 ۆوكاليست وتكەن، سونىڭ ىشىندە س. احمەتوۆا دا بولدى.

2016-جىلى قازاقستان پرەزيدەنتى نۇرسۇلتان نازاربايەۆ «گوي» بەيبىتشىلىك قورى اتىنان «يادرولىق قارۋسىزدانۋ جانە تاراتپاۋ ىسىنە قوسقان زور ۇلەسى ءۇشىن» 2016-جىلعى الەم مادەنيەتىنىڭ ارنايى سىيلىعىمەن ماراپاتتالدى. ارناۋلى سىيلىقتى سالتاناتتى تۇردە گوي بەيبىتشىلىك قورىنىڭ ءتورايىمى ماسامي سايوندجي مەن قور پرەزيدەنتى حيروو سايوندجي تابىس ەتتى.

2017-جىلى ۆەتنامنىڭ حوشيمين قالاسىندا وتكەن ايەلدەر اراسىنداعى بوكستان ازيا چەمپيوناتىندا قازاقستان قۇراماسى ءبىر التىن، ءبىر كۇمىس جانە ءتورت قولا مەدالدى ەنشىلەدى. التىن مەدالدى قۇراما قورجىنىنا 64 كەلى سالماقتا ءمادينا نۇرشايەۆا سالدى.

2018-جىلى «الجير» مۋزەي-مەموريالدىق كەشەنىندە 1938-1953-جىلدارى لاگەردە جازاسىن وتەگەن ەستون ايەلدەرىنە ارنالعان ەسكەرتكىش تاقتانىڭ اشىلۋ ءراسىمى ءوتتى. شاراعا ەستونيا رەسپۋبليكاسىنىڭ پرەمەر-ءمينيسترى يۋري راتاس، ەستونيانىڭ قازاقستانداعى ەلشىلىگىنىڭ وكىلدەرى، استانا قالاسى مادەنيەت جانە سپورت باسقارماسى باسشىسىنىڭ ورىنباسارى ناريم مۇحامبەتالينا جانە مۋزەي قىزمەتكەرلەرى قاتىستى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات