جۇما كۇنى 8 وڭىردە جەل كۇشەيەدى
رەسپۋبليكانىڭ باسىم بولىگى انتيتسيكلون ىقپالىندا بولعاندىقتان، كەي جەرلەردە جاۋىن-شاشىنسىز اۋا رايى ساقتالادى. تەك قازاقستاننىڭ باتىسى، وڭتۇستىك-باتىسى جانە شىعىسىندا اتموسفەرالىق فرونتتاردىڭ وتۋىنە بايلانىستى كەي جەرلەردە نايزاعاي ويناپ، جاڭبىر جاۋادى. جەل كۇشەيەدى، بۇرشاق جاۋۋى مۇمكىن. سولتۇستىكتە تۇندە جانە تاڭەرتەڭ كەي جەرلەردە تۇمان تۇسەدى، شىعىستا - داۋىل.
اقتوبە، قاراعاندى، شىعىس قازاقستان، كۇندىز جامبىل، قىزىلوردا، اتىراۋ، باتىس قازاقستان، پاۆلودار وبلىستارىنىڭ كەي جەرلەرىندە جەل كۇشەيەدى.
جامبىل وبلىسىندا كەي جەرلەردە شاڭدى داۋىل تۇرادى.
پاۆلودار وبلىسىنىڭ كەي جەرلەرىندە كۇندىز بۇرشاق جاۋۋى مۇمكىن، شىعىس قازاقستان وبلىسىندا داۋىل تۇرىپ، بۇرشاق جاۋادى.
سولتۇستىك قازاقستان وبلىسىندا تۇندە جانە تاڭەرتەڭ تۇمان تۇسەدى.
كۇندىز الماتى، تۇركىستان، قىزىلوردا، اقتوبە وبلىستارىندا اپتاپ ىستىق، كەي جەرلەرىندە وتە قاتتى ىستىق بولادى.
جامبىل، اتىراۋ، ماڭعىستاۋ، باتىس قازاقستان، قوستاناي، قاراعاندى وبلىستارىنىڭ كەي جەرلەرىندە قاتتى ىستىق كۇتىلەدى.
قىزىلوردا، تۇركىستان، الماتى، جامبىل، اقتوبە، قاراعاندى، شىعىس قازاقستان وبلىستارىنىڭ كەي جەرلەرىندە جوعارى ءورت قاۋپى ساقتالادى.