+7 (701) 759 90 19
3 °С : نۇر-سۇلتان
5 °С : الماتى
USD 389.86 EUR 435.32
RUB 6.12 CNY 55.12
جاڭالىقتار

كيىمدى قۇندى ەتىپ كورسەتۋدىڭ 8 ءتاسىلى

12 ماۋسىم 11:36
:ءبولىسۋ
كيىمدى قۇندى ەتىپ كورسەتۋدىڭ 8 ءتاسىلى

نۇر-سۇلتان. قازاقپارات - جاپپاي ساتىلىمنان العان كيىمىڭىزدىڭ قىمبات كورىنگەنىن قالايتىن كەزدەرىڭىز بولا ما؟ ەندەشە ءبىز ۇسىنعان كەڭەستەرگە كوز جۇگىرتىڭىز.

1. الىنعان كيىمدى مۇسىنىڭىزگە شاقتاتىپ قايتا تىكتىرىپ العان ءجون. قاراپايىم بەلدەمشەنىڭ ءوزى تىگىنشىنىڭ قىسقارتۋىنىڭ ارقاسىندا مۇسىنىڭىزگە قونىمدى بولسا قىمبات كورىنەدى. نەگىزىندە دايىن كيىمنىڭ دەنەگە قونىمدى بولۋى سيرەك كەزدەسەدى. سوندىقتان جاڭا كيىم العاندا اتەلەگە بارىپ ۇزىندىعىن قىسقارتىپ نەمەسە ءسال تارىلتۋعا بولاتىنىن ۇنەمى ەسكەرۋ كەرەك. تەك دۇكەندە كيىم تاڭداۋ بارىسىندا كيىمنىڭ ۇلگىسى قاراپايىم بولسا، ونى ءسىزدىڭ مۇسىنگە لايىقتاۋ دا وڭاي بولاتىنىن ەسكەرىڭىز.

2. ۇنەمى جاڭا سەكىلدى كورىنىپ تۇراتىن كيىمدى كيىڭىز. ەگەر كيىمدە ءسىز كەتىرە المايتىن داق پايدا بولسا حيميالىق تازالاۋعا تاپسىرىس بەرىڭىز. داقتى ولار دا كەتىرۋگە قاۋقارسىز بولسا ول كيىممەن قوش ايتىسقانىڭىز ابزال. كيىمنەن ءجىپ شىعىپ تۇرسا، تۇيمەسى بوساپ قالسا، تىگىسى كەتىپ بارا جاتسا، دەرەۋ بۇل كەمشىلىكتى باسقالار بايقاماي تۇرعاندا قولعا الۋ كەرەك.




3. جاقسى كيىمدى ۇنەمى جۋا بەرۋگە بولمايتىنىن ەسكەرىڭىز. ارينە كيىمنىڭ تازا بولعانى ماڭىزدى. ءبىراق كيىمدى جۋا بەرسەڭىز ول قانىق تۇسىنەن ايرىلادى. ارزان ءارى ەسكى كورىنەدى. قىمبات كيىمدى حيميالىق تازارتۋعا بەرگەن دۇرىس. مۇمكىندىگىنشە داق تيگەن جەرىن عانا جۋىپ، كەپتىرىپ الۋعا دا بولادى.

4. ۇيىڭىزدە ءجاي ۇتىكپەن قاتار بۋ ۇتىك تە بولعانى ءجون. قىرتىستار مەن قاتپارلار كيىمدى ەسكى ەتىپ كورسەتەدى. ونىڭ ۇستىنە سينتەتيكالىق كيىمدەردى ۇتىكتەۋگە بولمايدى. جاقسى بۋ ۇتىگى ءسىزدىڭ كويلەكتەگى قىرتىستى جىلدام جويادى. كيىمدى تازا ساقتاۋ ءۇشىن كوپ جۋا بەرگەننەن كورى بۋ ۇتىكپەن تەگىستەپ، بولمەنىڭ تەرەزەسىن تۇنگە قاراي اشىق قالدىرعان دۇرىس. تۇنگى سالقىن اۋا جاعىمسىز يىستەن ارىلتىپ، تاڭعا جاقىن ءسىز جاڭا عاناي جۋىلعانداي تاپ- تازا كيىمدى كيىپ شىعاسىز.

5. كورىكتىلىك - قاراپايىمدىلىقتا. گاردەروبىڭىزدى جاڭارتقىڭىز كەلسە، قاراپايىم كيىمدەرمەن كەربەز كورىنۋگە ارەكەت جاساڭىز. ءتۇرلى تاستارمەن بەزەندىرىلگەن كوفتالاردى، جىلتىراق دجينستار ساتىپ الۋدىڭ قاجەتى شامالى. ءسىز العان كيىمىڭىزدىڭ باسقا كيىمدەرمەن ۇيلەسۋى تۋرالى ويلانىڭىز.




6. كيىمدەگى تۇيمەلەردى اۋىستىرىڭىز. كيىمنىڭ قىمبات كورىنۋىنە تۇيمەنىڭ دە اسەرى جوعارى. سوندىقتان پلاستيكالىق تۇيمەنى تەمىرگە اۋىستىرۋىپ كورۋگە بولادى. ارينە، ءار نازىك جاندى تۇيمە قاداي العانى دۇرىس. قاداي الماساڭىز اقشاڭىز شىعىندالادى.

7. نەگىزىنەن قارا ءتۇستى كيىمدەرگە دەن قويعان دۇرىس. قوڭىر نەمەسە ءزايتۇن ءتۇستى كيىمدەر ءتۇسىن تەز جوعالتىپ الادى. اسىرەسە اتالعان تۇسپەن تىگىلگەن كيىمنىڭ ماتاسى ارزان بولسا، ساندىلىگىن تەز جوعالتادى. ءبىر جۋعاننان سوڭ ءوڭىن وزگەرتەدى. قارا جانە اق ءتۇستى كيىمدەردىڭ قۇندىلىعى تومەندەمەيتىنىن ەسكەرىڭىز.

8. كيىمىڭىزگە سايكەس تۇستەگى ءىش كيىم كيگەن دۇرىس. اسىرەسە جۇقا كيىمدەردەن ءىش كيىمدەر كورىنەتىن بولسا ول ءسىزدى ىڭعايسىز جاعدايدا قالدىرماي، كەرىسىنشە سۇلبالاردىڭ ۇيلەسۋىمەن ءسىزدى تارتىمدى ەتە ءتۇسۋى ءتيىس. ءىش كيىمنىڭ تىسقى كيىممەن ۇيلەسۋى ءسىزدىڭ وبرازىڭىزدى قىمبات كيىنەتىندەر قاتارىنا كىرگىزۋگە اسەر ەتەدى.

دەرەككوزى: ​syrlasu.kz


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات