كاسىپكەرلەرگە پايدالى 8 كەڭەس

نۇر-سۇلتان. قازاقپارات - 1. ەرتە تۇرۋ. تابىستى ادامدار ادەتتە قۇستار سەكىلدى ەرتە تۇرعىش بولادى. تاڭعى ۋاقىت بۇل - ماڭىزدى ىستەردى، ماڭىزدى شەشىمدەردى قابىلدايتىن جانە جاڭا جەتىستىكتەرگە جەتەلەيتىن كۇننىڭ ءبىر بولىگى.

تاڭعى 5-تە تۇرۋدى داعدىعا اينالدىرعان ادامدار ءومىردىڭ ۇزاقتىعىن جانە ءمانىن تۇسىنە الاتىندىعىن دالەلدەگەن.

2. كىتاپ وقۋ. ەگەر ءسىز كۇنىنە تەلەديدار جانە كومپيۋتەر الدىندا وتەتىن ۋاقىتىڭىزدى كىتاپتان قىزىقتى ماعلۇمات الۋعا جۇمسايتىن بولساڭىز، وندا ءسىز دوستارىڭىزدىڭ اراسىنداعى ەڭ پاراساتتى ادام قاتارىنان كورىنەسىز. العا قويعان ماقساتتارىڭىز وزدىگىنەن ورىندالادى. «جاقسى كىتاپ وقىمايتىن ادامنىڭ وقي المايتىن ادامنان ەش ايىرماشىلىعى جوق» - دەپ مارك تۆەن ءوز ناقىل سوزدەرىندە ايتقان بولاتىن.

3. ىقشامداۋ. ىقشامداۋ - قاجەت ەمەس نارسەلەردى ىسىرىپ تاستاپ، تەك وزىنە قاجەتتىنى عانا ايتا ءبىلۋ قاسيەتى. بارلىق نارسەلەردى ىقشامداي ءبىلۋ كەرەك جانە ولاردىڭ بارلىعى دا ىقشامدالادى. وسى ارقىلى كەرەك ەمەس دۇنيەلەردەن قۇتىلا الاسىڭ. ىقشامداي ءبىلۋ قاسيەتى وڭاي جۇمىس ەمەس، ونى يگەرۋ ءۇشىن كوپتەگەن تاجىريبە جانە دۇرىس باعىتتاعى كوزقاراس كەرەك. بۇل قاسيەتتى يگەرۋ قيىن بولعانىمەن مۇنىڭ پايدالى جاقتارى بار: ەستە ساقتاۋ قابىلەتىن قاجەتسىز نارسەلەردەن تازارتادى جانە ۋايىم مەن سترەسستەن ارىلتادى.

4. اسىقپاۋ. كۇندەلىكتى كۇيبەڭ تىرشىلىكتىڭ اراسىندا ءومىردىڭ راحاتىن سەزىنۋ مۇمكىن ەمەس. ءوزىڭ ءۇشىن بەلگىلى ءبىر ۋاقىت ءبولىپ تىنىعۋ كەرەك. اسىقپاڭىز جانە ءوزىڭىزدىڭ ىشكى جان دۇنيەڭىزگە قۇلاق ءتۇرىڭىز. باسەڭدەڭىز جانە ماعىنالى ىستەرگە كوڭىل ءبولىڭىز. ەگەر ءسىز ەرتە تۇرۋعا داعدىلانساڭىز، وندا ءسىز بارلىعىنا دا ۇلگەرەسىز. سول ۋاقىت ارالىعىندا ءسىز ەركىن دەمالىپ، ويلانۋعا، رۋحاني قۇندىلىقتارىڭىزدى بايىتۋعا مۇمكىندىك الاسىز. ءسىز قول جەتكىزە الماي جۇرگەن ماقساتتارىڭىزعا اسىقپاۋ ارقىلى وڭاي قول جەتكىزۋگە بولادى.

5. جاتتىعۋلار. قوزعالىستىڭ جوقتىعى دەنساۋلىقتى قۇرتادى، سول ۋاقىتتاعى مەدوديكالىق، فيزيكالىق جاتتىعۋلار ونى ساقتاپ قالۋعا كومەكتەسەدى. فيزيكالىق جاتتىعۋلارعا ۋاقىت جوق دەپ ويلايتىن ادامدار ەرتەلى- كەش اۋرۋ ءۇشىن ۋاقىت تاباتىن بولادى. ءسىزدىڭ دەنساۋلىعىڭىز - ءسىزدىڭ جەتىستىگىڭىز. ارنايى پروگراممالار ارقىلى سپورتپەن ۇيدەن شىقپاي- اق شۇعىلدانۋعا، سونداي- اق ابونەمەنتسىز جاتتىعۋ زالىنا بارۋعا بولادى (مىسالى، جۇگىرۋ) .

6. كۇندەلىكتى تاجىريبە. ادام نەعۇرلىم تاجىريبە جيناقتاسا، سوعۇرلىم ونىڭ ءىسى ءساتتى بولادى. كەزدەيسوقتىق پا؟ ساتتىلىك - بۇل تاجىريبەلەر مەن مۇمكىندىكتەردىڭ كەزدەسەتىن ورنى. تالانت جاتتىعۋسىز ءومىر سۇرە المايدى. تالانت ءاردايىم قاجەت بولا بەرمەيدى، ونىڭ ورنىن سەنىڭ ىسكە يكەمدى بولۋىڭ باسا الادى.

7. قورشاعان ورتا. بۇل اسا ماڭىزدى داعدىنىڭ ءبىرى. ول باسقالارعا قاراعاندا ءسىزدى ساتتىلىككە جاقىنداتادى. ەگەر ءسىزدىڭ اينالاڭىزدا كوپتەگەن جاڭا يدەياسى بار، كوڭىلدى، ىنتالى ادامدار بولسا، وندا بۇل ءسىز ءۇشىن ەڭ ۇلكەن قولداۋدىڭ ءبىرى بولماق. ءسىز بۇل جەردەن وزىڭىزگە كەرەكتى پايدالى كەڭەستەردى، ءبىر ىسكە تۇرتكى بولاتىن نارسەلەردى جانە شەكسىز قولداۋعا يە بولاسىز. ەگەر ءسىز ءوز جۇمىسىن جەك كورەتىن ادامدارمەن ارالاساتىن بولساڭىز، ولار سىزگە كوڭىلىڭىزدىڭ قالۋى مەن كۇيزەلىستەن باسقا نە اكەلمەك؟ ءسىزدىڭ ومىرىڭىزدەگى جەتىستىكتەر ءسىزدى قورشاعان جانداردىڭ جەتىستىگىمەن تىكەلەي قاتىسى بار دەسەك قاتەلەسپەيمىز.

8. العىس ايتۋ جۋرنالى. ءسىز وزىڭىزدە بار نارسەلەرگە العىس ايتىپ، جاقسىلىققا ۇمتىلىڭىز. ومىردەگى ماقساتىڭىزدى انىقتاۋ ارقىلى ءسىزدىڭ مۇمكىندىكتەرىڭىزدى بىلۋگە بولاتىنىنا سەنىمدى بولىڭىز.

دەرەككوز: szh.kz