قازاقستان مي-8 ا م ت تىكۇشاعىن قۇراستىرۋدى قايتا قولعا الادى
قازاقستان جانە رەسەي پرەزيدەنتتەرىنىڭ اراسىندا بۇرىن قول جەتكىزىلگەن كەلىسىمدەرگە سايكەس، قۇجاتقا ق ر قورعانىس جانە اەروعارىش ونەركاسىبى مينيسترلىگىنىڭ «قازاقستان ينجينيرينگ» ۇ ك» ا ق مەن «روستەح» مەملەكەتتىك كورپوراتسياسىنىڭ «ۆەرتولەتى روسسي» ا ق قول قويدى.
تىكۇشاقتار «405№ اۆيا جوندەۋ زاۋىتى» ا ق ءوندىرىس الاڭدارىندا قۇراستىرىلىپ، تاپسىرىس بەرۋشىنىڭ تالاپتارىنا قاراي بەيىمدەلەدى. كاسىپورىن مي-8/17/171 تيپىندەگى تىكۇشاقتاردى جوندەۋ، جاڭعىرتۋ جانە ولارعا تەحنيكالىق قىزمەت كورسەتۋ ءۇشىن قازاقستاندىق جانە حالىقارالىق ورگانداردىڭ سەرتيفيكاتىن العان.
بۇگىندە مەملەكەتتىك مەكەمەلەر مەن كوممەرتسيالىق اۋە كومپانيالارى رەسپۋبليكاداعى مي-8 ا م ت (مي-171) تىكۇشاقتارىنا نەگىزگى تاپسىرىس بەرۋشىلەر بولىپ وتىر.
ق ر قورعانىس جانە اەروعارىش ونەركاسىبى مينيسترلىگى باسپا ءسوز قىزمەتىنىڭ مالىمدەۋىنشە، قازاقستاندا العاش رەت اۋىر تىكۇشاقتاردى قۇراستىرۋ تەحنولوگياسى ەنگىزىلمەك، ال قۇراستىرۋ ءوندىرىسى العاش رەت بيۋدجەتتىك ينۆەستيتسيالارسىز ۇيىمداستىرىلدى. تىكۇشاق قۇراستىرۋ ءوندىرىسىنىڭ قولعا الىنۋى ەلىمىزدىڭ قورعانىس-ونەركاسىپتىك كەشەنىن، ازاماتتىق تىكۇشاق يندۋسترياسىن، وقۋ-جاتتىعۋ بازالارىن دامىتۋعا سەرپىن بەرەدى.
ايتا كەتەرلىگى، مي-8 ا م ت (مي-171) تىكۇشاعىن م. ل. ميل اتىنداعى ماسكەۋ تىكۇشاق زاۋىتى جاساعان. ونى جولاۋشى تاسىمالىنا دا، 4 تونناعا دەيىنگى جۇكتەردى تاسىمالداۋعا دا، ىزدەۋ-قۇتقارۋ جۇمىستارى جانە ءورت سوندىرۋگە دە پايدالانۋعا بولادى.
قازىرگى كەزدە ورتالىق جانە وڭتۇستىك-شىعىس ازيا، تاياۋ شىعىس، افريكا، ەۋروپا، لاتىن امەريكاسى، ت م د ەلدەرىندە وسى ماركانىڭ ءتۇرلى موديفيكاتسياداعى 1 مىڭنان استام تىكۇشاعى پايدالانىلادى.