+7 (701) 759 90 19 Лента
-17 °С : استانا
-2 °С : الماتى
USD 378.14 EUR 429.42
RUB 5.68 CNY 55.56
جاڭالىقتار

كوكشەتاۋدا 8 جاسار قىز قايىرىمدى جانداردىڭ ارقاسىندا وبىردى جەڭدى

14 قاڭتار 08:28 240
:ءبولىسۋ
كوكشەتاۋدا 8 جاسار قىز قايىرىمدى جانداردىڭ ارقاسىندا وبىردى جەڭدى

كوكشەتاۋ. قازاقپارات - كوكشەتاۋ قالاسىنداعى بەيسەنوۆتار وتباسىندا تۇراتىن 8 جاسار جانەل بەيسەنوۆا قايىرىمدى جانداردىڭ ارقاسىندا «قان راگى» سىرقاتىن جەڭدى.

قىز بالانىڭ بولاشاقتاعى ارمانى تۋرالى قازاقپارات تىلشىسىنە ونىڭ اناسى ايناگۇل ايتىپ بەردى.

2016-جىلدىڭ ءساۋىر ايىندا دارىگەرلەر جانەل بەيسەنوۆاعا ميەلوديسپلاستيكالىق سيندروم (م د س) دياگنوزىن قويعان. رەفراكتەرلىك انەميا، ياعني تەمىر پرەپاراتتارىمەن جانە ۆيتاميندەرمەن ەمدەۋگە كەلمەيتىن قان اۋرۋى. سول ساتتەن باستاپ بەيسەنوۆتەر وتباسىندا قيىن كۇندەر تۋدى، كىشكەنتاي جانەلدىڭ ءومىرى ءۇشىن كۇرەس باستالدى. وتاندىق دارىگەرلەر ونى سىرقاتىنان ايىقتىرۋعا دارمەنسىز بولادى. استاناداعى انا مەن بالا ورتالىعىنداعى ەمدەۋ شارالارى ەش ناتيجە بەرمەگەن. سول كەزدە قارشاداي قىزدى شەتەلدە جاسالاتىن جىلىك مايىن اۋىستىرۋ وتاسى عانا قۇتقارا الاتىنى ايتىلادى. وسىعان وراي، ونىڭ تۇركياداعى «Medical Park» ەمحاناسىندا ەمدەلۋىنە مەملەكەت تاراپىنان كۆوتا بولىنەدى. الايدا، ەمدەلۋ تەگىن بولعانىمەن شەتەلگە باراتىن جولاقىسى، وتادان كەيىنگى وڭالتۋ شارالارىنا قوسىمشا قاراجات قاجەت ەدى. وسى كەزدە مۇقتاج وتباسىنا قازاقستان حالقى اقمولا اسسامبلەياسى كومەك قولىن سوزعان.

«قازاقستان حالقى اقمولا اسسامبلەياسى جانىنداعى انالار كەڭەسى ۇيىمداستىرعان قايىرىمدىلىق اكتسياسىنىڭ ارقاسىندا جانەل بەيسەنوۆانىڭ اتا-اناسىنا قاجەتتى قاراجات جينالدى. كىشكەنتاي جانەلدىڭ باسىنا تۇسكەن قيىندىققا بەيجاي قاراماي، «شىن جۇرەكتەن» اكسياسىنا وبلىستىق، قالالىق، اۋداندىق مەملەكەتتىك قۇرىلىمداردىڭ جانە جەكە ۇيىمداردىڭ، ەتنومادەني بىرلەستىكتەردىڭ باسشىلارى، قالا تۇرعىندارى قاتىستى»، - دەيدى اقمولا وبلىسى اكىمىنىڭ جانىنداعى «قوعامدىق كەلىسىم» مەكەمەسىنىڭ قىزمەتكەرى باقىت مۇحامەدراحىموۆا - تاسوۆا.

«جارتى جىلعا جۋىق ۋاقىتتان كەيىن كۇيەۋىمە اقمولا اسسامبلەياسىنان حابارلاسىپ، اكسيا وتكىزىلگەنىن جانە ءۇش بالاعا 1 ميلليون 200 مىڭ تەڭگە اقشا جينالعانىن ايتتى. بىزگە تاپسىرىلعان 400 مىڭنان استام تەڭگە ۆيزانى رەسىمدەۋگە جەتتى. جىلىك مايىن شۇعىل تۇردە اۋىستىرۋ وپەراتسياسى جانەلدىڭ اكەسىنەن جاسالدى. كۇيەۋىم دە جولعا قاراجاتتى ارەڭ تاپتى. وعان مەشىتتە كومەكتەستى»، - دەپ ەسكە الدى ايناگۇل.

2016-جىلى 22- جەلتوقساندا تۇركيانىڭ «Medical Park» ەمحاناسىندا كۇردەلى وتا ءساتتى جاسالادى. بۇگىنگى تاڭدا، جانەلدىڭ دەنساۋلىعى جاقسارىپ، بار قيىن كۇندەر ارتتا قالدى. ول اتا- اناسىمەن ءۇش ايدا ءبىر رەت استاناداعى انا مەن بالا ورتالىعىنىڭ ونكولوگيا بولىمىنە اناليزدەر تاپسىرىپ تۇرادى. سونىمەن قاتار، جانەل ۇيدە ءبىلىم الۋ ارقىلى ەكىنشى سىنىپتىڭ باعدارلاماسىن مەڭگەرۋدە.

«نەگىزگى قيىندىقتار ارتتا قالدى دەگەن سەنىم باسىم. وسىنشاما سىناقتان وتكەنىمىزگە كەيدە ءتىپتى سەنۋ قيىن. اقمولا اسسامبلەياسىنا، بىزدەرگە كومەك قولىن سوزعان جانە ءالى دە قولداۋ ءبىلدىرىپ وتىرعان جانداردىڭ بارشاسىنا ايتار العىسىم شەكسىز. سىزدەردىڭ قولداۋلارىڭىزدىڭ ارقاسىندا ءبىز مۇمكىن ەمەس جاعدايعا قول جەتكىزدىك. اۋىر ناۋقاستى جەڭدىك!»، - دەيدى جانەلدىڭ اناسى.

ايتا كەتەرلىگى، بەيسەنوۆتار وتباسىنىڭ تۇرعىلىقتى باسپانالارى جوق، جالدامالى پاتەردە تۇرادى. ءبىراق، ءۇي يەلەرى - جومارت پەن ايناگۇل ەكەۋىنىڭ رۋحتارى مىقتى.

جاقىندا «سارقىت» ايلىعى شەڭبەرىندە اقمولا وبلىسىنداعى انالار كەڭەسىنىڭ ءتورايىمى زەرە قيىقوۆا باستاعان قازاقستان حالقى اقمولا اسسامبلەياسىنىڭ ءبىر توپ مۇشەسى بەيسەنوۆتار وتباسىندا بولىپ، جانەلگە، ونىڭ جەتىنشى سىنىپتا وقيتىن اعاسى تەمىرلانعا جانە ەكى جاسار قارىنداسى نارعىزعا سىيلىقتار ۇلەستىردى.


باستى سوزدەر: قوعام,
:ءبولىسۋ

اأتور:

novasa

ونلاين قىزمەتكەرلەر
مۇراعات