تۇركىستان وبلىسىندا ىزدەۋدە جۇرگەن 8 قىلمىسكەر ۇستالدى
وڭىردە وتكىزىلگەن «قۇقىقتىق ءتارتىپ» جەدەل ءىس-شاراسىنا 700 دەن اسا پوليتسيا مەن باسقا دا قىزمەتتەردىڭ وكىلدەرى قاتىستى.
ناتيجەسىندە پوليتسەيلەرمەن جالپى 104 قىلمىس اشىلدى. ونىڭ ىشىندە 19 ى بۇرىن جاسالعان قىلمىس. سونداي-اق ىزدەۋدە جۇرگەن 8 قىلمىسكەر ۇستالدى.
بۇدان بولەك، ەسىرتكىگە قاتىستى 2 كۇدىكتى ۇستالىپ، 3 ازاماتتان زاڭسىز قارۋ تاركىلەندى. شارا بارىسىندا پوليتسەيلەر جالپى 3196 اكىمشىلىك قۇقىقبۇزۋشىلىقتى انىقتاپ، قوعامدىق ورىنداردا ماس كۇيدە بولعان جانە ىشىمدىك ىشكەن 147 ۇساق بۇزاقىلىقتى تىركەدى.
ق ر كوشى-قون زاڭناماسىن بۇزعان 127 جايت تىركەلىپ، 5 ادام ارنايى قابىلداۋ ورنىنا جونەلتىلدى.
ال، قاۋىپسىزدىك بەلبەۋىن تاقپاعان 600 دەن استام جۇرگىزۋشى اكىمشىلىك قۇقىقبۇزۋشىلىق جاۋاپكەرشىلىككە تارتىلدى. جىلدامدىقتى اسىرعان 81 جۇرگىزۋشىگە اكىمشىلىك حاتتاما تولتىرىلىپ، جولدىڭ قارسى بەتىنە شىعىپ كەتۋىنە قاتىستى 14 وقيعا تىركەلدى.