+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

قازاقستاندا 8 -جەلتوقساندا وتەتىن ماڭىزدى شارالارعا شولۋ

7 جەلتوقسان 19:51 35
:ءبولىسۋ
قازاقستاندا 8 -جەلتوقساندا وتەتىن ماڭىزدى شارالارعا شولۋ

استانا. قازاقپارات - «قازاقپارات» حالىقارالىق اقپارات اگەنتتىگى قازاقستاندا 8 -جەلتوقساندا وتەتىن ماڭىزدى شارالار شولۋىن ۇسىنادى.

استانا

ساعات 10.00-دە ق ر ۇلتتىق مۋزەيى «ArtMastersLondon» ونەر مەكتەبىمەن بىرلەسىپ، اۋتيستيكالىق سپەكترىندە اۋىتقۋ بار (سال اۋرۋى) جانە سەرەبرالدى سال اۋرۋى تۋعان بالالارعا ارنالعان «AYALA» ينكليۋزيۆتى ءبىلىم بەرۋ جوباسىن باستايدى.

ساعات 16.00-دە «Rixos President Astana Hotel»  قوناقۇيىندە تۋريزم سالاسىنداعى ۇلتتىق سىيلىق جەڭىمپازدارىن ماراپاتتاۋ ءراسىمى وتەدى. شارانىڭ ۇيىمداستىرۋشىسى - «KazakhTourism» ۇلتتىق كومپانياسى» ا ق جانە ق ر مادەنيەت جانە سپورت مينيسترلىگى.

الماتى

ساعات 10.00-دە اباي اتىنداعى قازاق ۇلتتىق پەداگوگيكالىق ۋنيۆەرسيتەتتە «ءبىزدىڭ ءومىرىمىزدىڭ ەكو-كلۋبى» ەكولوگيالىق كلۋبتارىنىڭ اراسىنداعى بايقاۋدىڭ اقتىق كەزەڭى وتەدى. بايقاۋ قورىتىندىسىنىڭ باعدارلاماسىندا ەكوكلۋبتاردىڭ كورمەسى، ولاردىڭ تانىستىرىلىمى، ەكولوگيالىق تاقىرىپتا قويىلىمدار بولادى.

ساعات 13.00-دە حالىق ارەنادا شورت- ترەكتان الەم كۋبوگىنىڭ كەزەڭى باستالادى.

شىمكەنت

ساعات 09.00-دە «Rixos Khadisha Shymkent» قوناق ۇيىندە «Shymkent Development 2018» حالىقارالىق ينۆەستيسيالىق فورۋمى باستالادى. فورۋمعا بەدەلدى ساياساتكەرلەر، الەمدىك جانە وتاندىق بيزنەس كوشباسشىلارى، ءىرى كورپوراتسيالار مەن قارجى ينستيتۋتتارىنىڭ باسشىلارى قاتىسادى دەپ كۇتىلۋدە.

كوكشەتاۋ

ساعات 09.00-دە «تاۋەلسىزدىك» الاڭىندا كوكشەتاۋ قالاسى مەن جاقىن اۋدانداردىڭ اۋىل شارۋاشىلىعى تاۋارلارىن وندىرۋشىلەردىڭ قاتىسۋىمەن ازىق-تۇلىك جارمەڭكەسى وتەدى. جارمەڭكەدە ەت جانە كوكونىس ونىمدەرىنىڭ كوپتەگەن تۇرلەرى نارىق باعاسىنان 15-20 پايىز تومەن باعادا ساتىلاتىن بولادى.


باستى سوزدەر: قوعام,
:ءبولىسۋ

اأتور:

novasa

ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات