يممۋنيتەتتى نىعايتۋدىڭ 8 قاراپايىم جولى

استانا. قازاقپارات - دۇنيەجۇزىلىك دەنساۋلىق ساقتاۋ ۇيىمىنىڭ باستاماسى بويىنشا، 1 - ناۋرىز - بۇكىلالەمدىك يممۋنيتەت كۇنى بولىپ بەكىتىلدى.

 ونىڭ ماقساتى يممۋندىق اۋرۋلارمەن بايلانىستى ماسەلەلەردى ەسكە ءتۇسىرۋ، سونداي- اق يممۋنيتەتتى ساقتاۋ جانە نىعايتۋ بولىپ تابىلادى.

يممۋنيتەت - بۇل دەنەنىڭ قارسىلاسۋ قابىلەتى. يممۋندىق جۇيە بوگدە جاسۋشالاردى، ءتۇرلى ينفەكتسيالار مەن ۆيرۋستاردى بەيتاراپتاندىرادى، سودان كەيىن ولاردى جويىپ جىبەرەدى.

يممۋنيتەتتىڭ بۇزىلۋ بەلگىلەرى

ءجيى سالقىن تيگەننەن بولاتىن اۋرۋلار، تەمپەراتۋرانىڭ كوتەرىلۋىنىڭ ۇزاقتىعى، سوزىلمالى شارشاۋ سيندرومى، بۋىندار مەن بۇلشىقەتتەردەگى اۋىرسىنۋ، ۇيقىنىڭ بۇزىلۋى، ءجيى باس اۋرۋى، تەرىدە بورتپەلەردىڭ پايدا بولۋى - مۇنىڭ ءبارى يممۋندىق جۇيەنىڭ بۇزىلىستارىنىڭ كورىنىسى بولىپ تابىلادى جانە اعزانىڭ قورعانىش كۇشىن كۇشەيتۋدى قولعا الىپ، دارىگەرگە جۇگىنۋدىڭ سەبەبى بولماق.

ادامنىڭ يممۋن جۇيەسى جارتىلاي تۇقىم قۋالاۋشىلىققا تاۋەلدى. سەبەبى ول قۇرساقتا جانە قالعان %50  ى ءومىر ءسۇرۋ دەڭگەيىنەن قالىپتاسادى. ادامنىڭ يممۋنيتەتى پايدالى ۇيقىنىڭ، جاتتىعۋ مەن ۇيلەستىرىلگەن تاعامنىڭ ارقاسىندا ساقتالادى. ادەتتە ادامدار يممۋنيتەتتى ساقتاۋدىڭ ءرولى مەن مۇمكىندىگىن تەك اۋىرعان كەزدە عانا ويلايدى، ال بۇنىڭ ءوزى يممۋن تاپشىلىعىنىڭ سالدارى بولىپ تابىلادى.

سوندىقتان ءاربىر ادامعا دەنساۋلىعىن ساقتاۋ جانە يممۋندىق جۇيەنى نىعايتۋ ماڭىزدى، اسىرەسە كوكتەم قارساڭىندا. سەبەبى، بۇل ۋاقىتتا اعزا ەرەكشە قولداۋدى قاجەت ەتەدى. سونداي- اق، جەدەل رەسپيراتورلى اۋرۋلار مەن جەدەل رەسپيراتورلىق- ۆيرۋستىق ينفەكتسيالاردان نەمەسە تۇماۋدان زارداپ شەككەندەرگە جانە ۇلكەن فيزيكالىق كۇشتەردى سەزىنەتىندەرگە يممۋنيتەتكە نازار اۋدارۋ كەرەك.

بۇل رەتتە، يممۋنيتەتتى نىعايتاتىن ارنايى قۇرالداردىڭ كومەگىمەن دەنساۋلىقتى قالىپقا كەلتىرۋگە بولادى. دەگەنمەن، اعزانى نىعايتۋدىڭ كوپتەگەن قوسىمشا جولدارى بار.

اقجەلكەك، اسشاياندار جانە لاۆر جاپىراعى

تاماق تانۋ - ۆيرۋستار مەن اۋرۋلاردان قورعانۋدىڭ كەپىلى جانە اعزانىڭ قورعانىش كۇشىن جاقسارتۋعا ىقپال ەتەتىن ماڭىزدى فاكتور. ازىق تانۋ ساندىق جانە ساپالىق تۇرعىدان دا مۇمكىندىگىنشە پايدالى بولۋى كەرەك. ءسىزدىڭ مازىرىڭىزدە جانۋار مەن وسىمدىك تەكتەس اقۋىزدار بولۋى قاجەت.

جانۋار اقۋىزى ەت، بالىق، جۇمىرتقا مەن سۇتتە، ال وسىمدىك اقۋىزى - بۇرشاق پەن ۇرمەبۇرشاقتا، قاراقۇمىق جانە سۇلى جارماسىندا بولادى. سونداي- اق، سيىردىڭ باۋىرى مەن اسشاياندار، ميديا، كالمار سەكىلدى تەڭىز ونىمدەرى دە يممۋندىق جۇيەنىڭ قىزمەتىنە پايدالى.

ءبىراق، كەز- كەلگەن جاعدايدا يممۋنوكۇشەيتكىشتەردى وزدىگىنەن قابىلداي بەرۋگە بولمايدى. ال دارىگەر وسى پرەپاراتتاردى تاعايىنداماس بۇرىن ستاندارتتى تەراپيانىڭ قاجەتتى ناتيجە بەرمەگەنىنە كوز جەتكىزۋى ءتيىس. سونىمەن قاتار، ناۋقاستىڭ يممۋنوگرامماسىن زەرتتەپ، يممۋنوكۇشەيتكىشتەردى قولدانۋدىڭ ۇزاق مەرزىمدى تاجىريبەسىنە، اتاپ ايتقاندا، بەلگىلەنگەن دارىلىك پرەپاراتتاردىڭ ۇزاق مەرزىمدى اسەرىن باعالاۋعا نەگىزدەلگەن تاجىريبەگە كوز جەتكىزۋى كەرەك.

سونداي- اق، ءزىمبىر، ءبورىقاراقات، قالامپىر، كۇنزە، دارشىن، ناسىبايگۇل، كاردامون، كۋركۋما، لاۆر جاپىراعى جانە اقجەلكەك يممۋنيتەتى جاقسى كوتەرەدى.

ۆيتاميندەر ءوندىرۋ قاجەت

يممۋندىق جۇيەنى نىعايتۋ ءۇشىن ۆيتاميندەر مەن ميكروەلەمەنتتەر قاجەت. ولاردىڭ جەتىسپەۋشىلىگىن مۋلتيۆيتاميندىك كەشەندەردىڭ كومەگىمەن تولىقتىرۋعا بولادى. ءبىراق جالپى العاندا، ۆيتاميندەر مەن ميكروەلەمەنتتەردى تابيعي تۇردە العان ءجون.

مىسالى، ا ءۆيتامينىن سابىزدەن، جۇزىمنەن، جاسىل كوكونىستەردەن، ياعني بارلىق قىزىل جانە قىزعىلت- سارى جەمىستەر مەن كوكونىستەردەن الۋعا بولادى. ال س ءۆيتامينى يتمۇرىن، مۇكجيدەك، يتبۇلدىرگەن، قىرىققابات، اسىرەسە اشىتىلعان قىرىققاباتتا، تسيترۋستاردا كەزدەسەدى. ە ءۆيتامينى - كۇنباعىس، ءزايتۇن نەمەسە جۇگەرى مايىندا بولادى. ۆ توبىنداعى ۆيتاميندەر بۇرشاقتا، ءداندى داقىلداردا، جۇمىرتقادا، كەز- كەلگەن كوكونىستە جانە جاڭعاقتاردا كوپ بولادى.

ميكروەلەمەنتتەردىڭ ىشىندە مىرىش پەن سەلەن يممۋنيتەتكە وڭ اسەرىن تيگىزەدى. مىرىشتى بالىقتان، ەت پەن باۋىردان، جاڭعاقتان، بۇرشاق جانە ۇرمەبۇرشاقتان الۋعا بولادى. ال سەلەن بالىقتا، تەڭىز ونىمدەرىندە، سارىمساقتا كەزدەسەدى.

سونىمەن قاتار، تەمىر، مىس، ماگني جانە مىرىش سەكىلدى مينەرالدى زاتتاردى باۋىر مەن بۇيرەكتەن، جۇرەك، جاڭعاق، بۇرشاق جانە شوكولادتان الۋعا بولادى.

قۇرعاق قىزىل

تەمەكى مەن الكوگول يممۋنيتەتتى السىرەتىپ قانا قويماي، ونى ولتىرەدى. تەمەكىنىڭ زيانى بارىنە بەلگىلى بولعانىمەن، ءبىرااق الكوگولدىڭ ءجونى بولەك. مىسالى، قۇرعاق قىزىل شاراپ يممۋنيتەتكە پايدالى. ءبىراق ەڭ جوعارعى رۇقسات ەتىلگەن تاۋلىكتىك دوزا - 50-100 گراممنان اسپاۋى ءتيىس.

سۋىققا بەيىمدەلۋ

ەڭ الدىمەن ەرەكشە ەمەس قورعانىستى كوبەيتە وتىرىپ، اۋرۋدىڭ كەز- كەلگەن تۇرىنە الدىن- الا دايىندالۋ كەرەك. اعزانى شىنىقتىرۋ ءادىسى تۋرالى ءبارى بىلەدى. ءبىراق كوپشىلىگى اعزانى شىنىقتىرۋ سۋىققا بەيىمدەلۋ دەپ سانايدى. مىسالى، قىستا ءىش كيىممەن قاردا ءجۇرۋ. ءبىراق شىن مانىندە، اعزانى شىنىقتىرۋدىڭ ءمانى - شىرىشتى قابىق جاتتىعۋلارى كەزىندە تەمپەراتۋرانىڭ كۇرت وزگەرۋىنە جىلدام جاۋاپ بەرۋىندە بولماق.

جاتتىعۋلار وتە قاراپايىم بولۋى مۇمكىن. مىسالى، قولدان شىنتاققا دەيىن كەزەكپەن سۋىق جانە ىستىق سۋ قۇيىڭىز. سۋىق سۋدىڭ تەمپەراتۋراسى +20 ° C، ىستىق سۋدىكى +35 ° C بولۋى كەرەك.

سۋ قۇيۋدى كۇن سايىن، كۇنىنە 5-7 مينۋت، تاڭەرتەڭ نەمەسە كەشكە جاساعان ءجون. اسىرەسە بۇل ءراسىم بالالارعا جاقسى كومەكتەسەدى.

تىنىشتىق جانە تەك قانا تىنىشتىق!

كۇيزەلىس - يممۋنيتەتتىڭ نەگىزگى جاۋلارىنىڭ ءبىرى. ەڭ قاۋىپتى كۇيزەلىس ءتۇرى باقىلانبايتىن كۇيزەلىس. بۇل كەزدە ادامدار ءوز ەموتسيالارىمەن كۇرەسۋگە قابىلەتسىز بولادى. اقىل- وي داعدارىسىنان قۇتىلۋدىڭ تەك ءبىر عانا جولى بار. مۇنداي كەزدە بارلىق جاعدايعا تىنىشتىقپەن قاراۋ كەرەكتىگىن جانە جاعدايدى وزگەرتە المايتىن بولساڭىز، وندا ونى سولاي قابىلداۋ كەرەك ەكەنىن ءجيى ەسكە ءتۇسىرىڭىز.

كۇلكى

ەگەر ءسىز كەيدە كۇيزەلىستى سەزىنۋگە ءماجبۇر بولساڭىز، وندا ونىڭ ورنىن كۇلكىمەن وتەڭىز. كۇلكى دەنەگە قالىپتى جاتتىعۋلار سەكىلدى اسەر ەتەدى. ول قان قىسىمىن تومەندەتىپ، كۇيزەلىستى جەڭىلدەتەدى جانە يممۋندىق جۇيەنى كۇشەيتەدى. سونىمەن قاتار، كۇلكى تابەتتى جاقسارتادى، حولەستەرين دەڭگەيىن ازايتىپ، جۇرەك- تامىر جۇيەسى اۋرۋلارىنىڭ جانە قانت ديابەتى اۋرۋىنىڭ قاۋپىن تومەندەتەدى.

مىسىق اسىراڭىز

مىسىقتار يەلەرىن جۇرەك اۋرۋلارىنان قورعاپ، جۇيكە جۇيەسىنە وڭ اسەر ەتە وتىرىپ، ولاردىڭ يممۋنيتەتىن جاقسارتادى دەپ ەسەپتەلەدى. مىسىقتىڭ دەنە تەمپەراتۋراسى 38-39 گرادۋس. ال ەگەر ادام سۋىق ءتيىپ اۋىرىپ قالسا، پىرىلداعان مىسىق يەسىنىڭ جانىنا جاتىپ ونىڭ دەنەسىن جىلىتادى. سونىڭ ارقاسىندا، مىسىق تۇماۋعا قارسى كۇرەسۋگە كومەكتەسەدى جانە قوجايىنىنىڭ كۇيزەلىسكە قارسى تۇراقتىلىعىن ساقتاپ، كۇشەيتەدى.

مىسىقتار كونە زاماننان بەرى كەلە جاتقان ەڭ تانىمال جانە سۇيىكتى ءۇي جانۋارى بولىپ تابىلادى. ولارعا دەگەن سۇيىسپەنشىلىكتىڭ شەكسىز بولعانى سونشالىق 1 - ناۋرىز - كوكتەمنىڭ العاشقى كۇنى بۇكىل الەمدىك مىسىق كۇنى دەپ بەكىتىلدى.

يممۋنيتەتتى كوتەرۋگە ارنالعان حالىقتىق ەمدەۋ قۇرالدارى

مىسالى، شاشىراتقى ءتۇبىرى يممۋندىق جۇيەنى نىعايتادى جانە ۆيرۋستاردان قورعايدى.

ەگەر سۋىق تيۋ جانە جەدەل رەسپيراتورلىق- ۆيرۋستىق ينفەكتسيالارمەن ءجيى اۋىراتىن بولساڭىز، كالانحوە شىرىنىنىڭ كومەگىمەن اعزانى نىعايتىپ كورىڭىز.

اعزانىڭ كۇشىن نىعايتۋعا دەنە شىنىقتىرۋ دا جاقسى كومەكتەسەدى. ونىڭ ەڭ قاراپايىم جولى سينتەتيكالىق ماتەريالدان جاسالعان الاشانى الىپ، ونى يممۋنيتەتتى ارتتىراتىن وسىمدىكتەر تۇنباسىمەن دىمقىلداتىپ جانە سوعان جالاڭ اياق تۇرۋ كەرەك.

Stan.kz