ءار كۇنگە ارنالعان ءتيىمدى 8 داعدى

استانا. قازاقپارات - شارشاعاندىق، كۇيزەلىس پەن جالقاۋلىققا جول جوق!

كۇن سايىن وسىناۋ قاراپايىم 8 داعدىنى ورىنداۋدى ادەتكە اينالدىرىڭىز جانە ءسىز ءومىردىڭ تاماشا بولا تۇسكەندىگىن بىردەن بايقايسىز.

1. قوشەمەت ايتىڭىز

داياشىنىڭ سىرعاسى ۇناپ قالدى ما؟ وعان بۇل جايىندا ايتىڭىز جانە ەكەۋىڭىزدىڭ دە كۇندەرىڭىز جارقىن بولا تۇسەدى. التۋريستەردىڭ كوڭىل- كۇيى كوتەرىلە تۇسەدى - تاياۋدا عانا نيۋ- يورك ۋنيۆەرسيتەتىندە ماداق سوزدەردىڭ ادامنىڭ پسيحيكاسىنا قالاي اسەر ەتەتىندىگىن زەردەلەي كەلە وسىنداي قورىتىندىعا كەلگەن. ەگەر ءسىز ونى شىن جۇرەكتەن ايتار بولساڭىز، وندا اسەرى دە ءبىرشاما كۇشەيە تۇسەدى. دەمەك، ماداق ءسوز ايتۋدىڭ رەتى شىنىمەن دە كەلىپ تۇرعاندىعىنا كوز جەتكىزىپ الىڭىز.

2. توسەگىڭىزدى جيناڭىز

 توسەك جابىندىسىن دۇرىستاپ، جاستىقتى قوپسىتۋ بولمەگە تەك قانا جيناقى رەڭك بەرمەيدى، سونىمەن قاتار توسەكتى جيناۋ پروتسەسىنىڭ ءوزى ءسىزدى تابىسقا جەتۋگە جەتەلەيدى. ءسىز كۇنىڭىزدى وسىنداي كىشكەنتاي دۇنيەدەن باستاۋ ارقىلى شىنايى جەتىستىكتەرگە قول جەتكىزە الاسىز.

ازداعان سان دەرەك: توسەك جينايتىن ادامداردىڭ 72 پايىزى وزدەرىن باقىتتى سەزىنەدى. ال بۇل پروتسەدۋرانى جاسامايتىنداردىڭ ىشىندەگى باقىتتىلاردىڭ ۇلەسى 62 پايىز عانا.

3. تەرىڭىزدى ىلعالداندىرىڭىز

 بۇل سىزگە «مۇنداي ۇلكەن بالالاردىڭ اناسى بولۋى ءۇشىن ءسىز تىم جاس كورىنەدى ەكەنسىز» دەگەن ءسوزدى ءجيى ەستۋگە مۇمكىندىك بەرەدى. عىلىم تەرىسىن تۇراقتى تۇردە ىلعالاندىرۋعا نازار اۋدارمايتىن ادامداردا ءاجىم ەكى ەسە تەز پايدا بولاتىندىعىن دالەلدەگەن. ەندەشە تەرىنى ىلعالداندىرۋ ءسىزدىڭ ءار تاڭەرتەڭ جانە كەشكىسىن جاسايتىن راسىمىڭىزگە اينالسىن.

4. تۇسكى استى دۇرىس ءىشىڭىز

 ءبىزدىڭ ءاربىر ءۇشىنشىمىز تۇسكى استى جۇمىس ۇستەلىندە ىشەدى. ءىس جۇزىندە PowerPoint-تەن كەزەكتى اسا ماڭىزدى تۇساۋكەسەردەن كوز الماي وتىرىپ ءبىر-ەكى بۋتەربرودتى تەز- تەز جۇتا سالۋ - بۇل ازىق- تۇلىكتى اۋىستىرىپ قويعانمەن بىردەي. عالىمدار وزدەرىنىڭ زاڭدى ءۇزىلىس ۋاقىتتارىندا ارىپتەستەرىمەن بىرگە اسىقپاي تۇسكى اس ىشۋگە جۇمساعان ادامدار كۇننىڭ قالعان جارتىسىندا وزدەرىن ءبىرشاما جايلى وتكىزەتىندىگىن انىقتاعان. جالعىز وتىرىپ تا اس ىشۋگە بولادى، ەڭ باستىسى وزىڭە بولىنگەن ۋاقىتتا جۇمىس پروتسەسىنەن الشاقتاۋ قاجەت. سوندا تۇسكى استىڭ دا سىزگە پايداسى مول بولادى.

5. سۋ ءىشىڭىز

امەريكالىق عالىمدار جۇرگىزگەن بىرنەشە زەرتتەۋ بىردەي قورىتىندىعا كەلگەن: قۇرعاۋ بارلىق ۋاقىتتا دا ءسىزدىڭ كوڭىل- كۇيىڭىزگە، ەنەرگيا قورىڭىز جانە نازارىڭىزدى ءبىر نارسەگە اۋدارۋ قابىلەتىڭىزگە اسەرىن تيگىزەدى. «سۋدى جەتكىلىكتى دەڭگەيدە الا الماعان ايەلدەر جۇمىستىڭ ءبىرشاما اۋىر جۇرگەندىگىن اتاپ وتكەن»، - دەپ جازادى زەرتتەۋ اۆتورلارىنىڭ ءبىرى. سوندىقتان دا بارلىق ۋاقىتتا قولىڭىزدا بوتەلكەدەگى سۋ بولسىن.

6. سپورتقا ارنالعان كيىمىڭىزدى كەشكىسىن دايىنداپ قويىڭىز.

«ەگەر تاڭەرتەڭ تۇرعان بەتتە سىزگە ۋاقىتتى شۇلىعىڭىزدىڭ ەكىنشىسىن جانە فۋتبولكا ىزدەۋگە جۇمساۋعا تۋرا كەلەتىن بولسا، وندا تاڭعى جۇگىرۋگە شىعۋىڭىز دا ءبىرشاما قيىندىق تۋدىرادى»، - دەپ تاجىريبەسىمەن بولىسەدى دجەننيفەر لوپەستىڭ جانە وزگە دە گولليۆۋد جۇلدىزدارىنىڭ جاتتىقتىرۋشىسى گۋننار پەتەرسون.

7. تەلەفوندى شەكتەڭىز

ءوز ۇيىڭىزدە مىناداي قاراپايىم ەرەجە ەنگىزىڭىز: تاماق دايىنداۋ بارىسىندا اس بولمەدە ەشقانداي سمارتفون بولماۋى ءتيىس. «اس بولمەسى - بۇل ءبىز ءبىر-بىرىمىزدەن سويلەسۋ ءۇشىن جينالاتىن ورىن»، - دەپ جازادى شەرري تەركل «ودينوچەستۆو ۆمەستە: پوچەمۋ مى وجيداەم بولشە وت تەحنولوگي ي مەنشە درۋگ وت درۋگا» دەپ اتالاتىن كىتابىندا.

8. اڭگىمەشىل بولىڭىز

ەشكىمنىڭ دە ءار كۇنى كەشكىسىن قۇربىلارىمەن كەزدەسۋگە ۋاقىتى بولا بەرمەيدى. ءبىراق مىناۋ جايىندا ويلانىڭىز: اڭگىمەلەسۋدەن قاشاتىن ادامداردىڭ دەنساۋلىعىنا كەلەتىن تاۋەكەل كۇنىنە 15 شىلىم شەككەنمەن بىردەي. شەشىمى قانداي؟ قانداي ادىسپەن بولسا دا وزىڭىزگە قىمبات جانمەن بايلانىسقا شىقساڭىز جەتكىلىكتى. ءتىپتى مۇنى جاساۋ ءۇشىن شۇعىل سەبەبى بولماسا دا حابارلاسىڭىز.

 

دەرەككوزى: zhenskoeschastie.com