07:24, 18 - ماۋسىم 2018 | GMT +6
جولاۋشىلار پويىزىنىڭ 8 ۆاگونى رەلستەن شىعىپ كەتكەن
استانا. قازاقپارات - استانادان الماتىعا بارا جاتقان جولاۋشىلار پويىزىنىڭ 3 ۆاگونى اۋدارىلعان. بۇل تۋرالى قازاقپارات ق ر ءى ءى م توتەنشە جاعدايلار كوميتەتىنىڭ رەسمي وكىلى رۋسلان يمانقۇلوۆقا سىلتەمە جاساپ حابارلايدى.
«قازىر تەك الدىن الا مالىمەت بەرە الامىن. جولاۋشى پويىزىنىڭ ۆاگوندارى رەلستەن شىعىپ كەتكەن. وقيعا جامبىل وبلىسىنىڭ شۋ اۋدانى اۋماعىندا بولعان. 8 ۆاگون رەلستەن شىعىپ كەتىپ، ونىڭ ۇشەۋى اۋدارىلدى. زارداپ شەككەندەر تۋرالى اقپاراتتار كەلىپ جاتىر. پويىز استانادان الماتىعا بارا جاتقان. ءبىزدىڭ بولىمشەلەر قازىر جولدا»، - دەدى رۋسلان يمانقۇلوۆ.
ونىڭ ايتۋىنشا، اپاتقا ۇشىراعان جولاۋشىلار تاسىمالىنىڭ №9 «بايتەرەك» پويىزى. اتالمىش پويىزدىڭ جولاۋشىلارى جولاي ستانساعا سوققان پويىزبەن ساپارلارىن جالعاستىرۋدا.
سونداي-اق، عالامتوردا اپاتتىڭ ۆيدەوسى جاريالاندى.
ەسكە سالا كەتسەك، جامبىل وبلىسىندا جولاۋشىلار پويىزىنىڭ بىرنەشە ۆاگونى رەلستەن شىعىپ كەتكەنىن حابارلاعان بولاتىنبىز. وقيعا ورنىنا جامبىل وبلىسى اكىمدىگىنىڭ جۇمىس توبى دا اتتاندىرىلدى.